Deprecated: Methods with the same name as their class will not be constructors in a future version of PHP; ExposeBrowser has a deprecated constructor in /home/soranedu/public_html/libraries/expose/libs/browser.php on line 135
زانکۆی سۆران - کۆنفڕانسی نێودەوڵەتیی قاهیرە خەڵاتی پێشەنگایەتی زانکۆکانی کوردستانی بە زانکۆی سۆران بەخشی

کۆنفڕانسی نێودەوڵەتیی قاهیرە خەڵاتی پێشەنگایەتی زانکۆکانی کوردستانی بە زانکۆی سۆران بەخشی

Sli

 

رێکەوتی ۲٠۱۹/۳/۸، بە ئامادەبوونی بەڕێزان "د. موسڵح مستەفا" سەرۆکی زانکۆی سۆران، "د. روشدی سەمەد" یاریدەدەری سەرۆکی زانکۆ بۆ کارووباری کارگێڕی و دارایی و دەیان کەسایەتی و دامەزراوەی ئەکادیمی و پەروەردەیی، کۆنفرانسی نێودەوڵەتیی قاهیرە بۆ پێشەنگان، لە هۆڵی نجیب محفوظ / دامەزراوەی ئەهرام، لە کۆماری عەرەبی میسر بەڕێوەچوو. 

لەم کۆنفڕانسەدا، بە پشتبەستن بە ڕاپۆرتی لێژنەی هەڵسەنگاندن و بە ئامادەبوونی چەندین کەسایەتیی سیاسی و ناسراوی وەکو قونسولی کۆماری عێراق لە قاهیرە بەڕێز "زهیر سعد عباس" و وەزیری پێشووی دەرەوەی  کۆماری عەرەبیی میسر بەڕێز "محمد العرابی"، ڕێز لە چەندین کەسایەتی و دەزگا و دامەزراوە پێشەنگەکانی عێراق گیرا، کە لە ساڵی ۲٠۱۸ دا، ڕۆڵی بەرچاویان هەبووە لە بوارە جیاجیاکاندا.

لەم کۆنفرانسەدا و لەسەر بنەمای لیژنەی هەڵسەنگاندن، لە بەرامبەر ئەو ڕۆڵە پێشەنگەی کە زانکۆی سۆران وەکو دامەزراوەیەکی ئەکادیمی و پەروەردەیی هەیبووە لە کوردستان، خەڵاتی پێشەنگایەتی و بڕوانامەی تایبەتمەند پێشکەش بە بەڕێز "د. موسڵح مستەفا" سەرۆکی زانکۆ کرا.

پێویستە بگوترێ کە هەر لەم کۆنفرانسەدا، چەندین دامەزراوەو کەسایەتیش،  خەڵاتی پێشەنگیان پێ بەخشرا.

http://aldroobtv.com/new/s/4487/%28-%D9%85%D8%A4%D8%AA%D9%85%D8%B1-%D8%A7%D9%84%D9%82%D8%A7%D9%87%D8%B1%D8%A9-%D8%A7%D9%84%D8%AF%D9%88%D9%84%D9%8A-%D9%84%D9%84%D8%B1%D9%8A%D8%A7%D8%AF%D8%A9-%D9%84%D8%B9%D8%A7%D9%85--%D9%A2%D9%A0%D9%A1%D9%A9%29