ڕاگەیاندنی ڕێنماییەكانی تاقیكردنەوەی زانستی خوێندنی باڵا و ناوی پێشكەشكاران

New Website Announcement Ku

 

بەڕێوەبەرایەتی خوێندنی باڵا و پەیوەندییە ئەكادیمییەكانی زانكۆی سۆران، ئاگاداری سەرجەم ئەو پێشكەشكارە بەڕێزانە دەكاتەوە كە ناوەكانیان لە لیستی ئەنجامدانی تاقیكردنەوەی توانستی زانستیدا ڕاگەیەندراوە (بە ئیمەیڵیش بۆ هەموو پێشكەشكاران نێردراوە) كە:

١- تاقیكردنەوەی توانستی زانستی (نووسین) لە ڕۆژی دووشەممە ڕێكەوتی ١٠-٢-٢٠٢٠، كاتژمێر ١١ ی سەرلەبەیانی ئەنجام دەدرێت.

٢- تاقیكردنەوەكان لە فاكەڵتییەكان ئەنجام دەدرێن و هەر پێشكەشكارێك بۆ هەر فاكەڵتییەك داواكاری پێشكەش كردبێت لەوێ تاقیكردنەوەكەی ئەنجام دەدات.

٣- وادەی تاقیكردنەوەكان ٤ (چوار) كاتژمێرە و بەهیچ شێوەیەك درێژ ناكرێتەوە.

٤- پێویستە هەر پێشكەشكارێك پاسپۆرت (یانیش ئەگەر نەیبێت ناسنامەیەك كە وێنەی لەسەر بێت) لەگەڵ خۆیدا بهێنێت.

٥- وەڵامدانەوەی پرسیارەكان تەنها بە قەڵەمی جافی (شین) دەبێت.

٦- بە لەبەرچاوگرتنی وادەی تاقیكردنەوەكان، تكایە هەر پێشكەشكارێكی بەڕێز ڕەوشێكی تەندروستی یانیش بەكارهێنانی دەرمان، یان هەر ڕەوشێكی تایبەتی دیكەی هەیە، تكایە لەگەڵ وادە و كاتی تاقیكردنەوەكاندا بیگونجێنێت.

٧- بەهیچ شێوەیەك ڕێگە بە بردنەوە ژوورەوەی هیچ ئامێرێكی ئەلیكترۆنی (مۆبایل، كاتژمێری زیرەك و ئەوانی دی) نادرێت. بۆ ئەوەی گرفتی دیارنەمانیش دروست نەبێت، باشترە كاندیدان ئەم جۆرە ئامێرانە لەگەڵ خۆیاندا بۆ هۆڵەكانی تاقیكردنەوە نەهێنن.

٨- لە كاتێكدا هەر كاندیدێك لە كاتی بەڕێوەچوونی تاقیكردنەوەكاندا هەر ئامێرێكی ئەلیكترۆنی پێ ببینرێت، ئەوا یەكسەر مافی بەشداریكردنی لە تاقیكردنەوەكاندا لێوەردەگیرێتەوە.

٩-پێویستە پێشكەشكارانی بەڕێز ئیمەیڵی تایبەتی خۆیان و سایتی فەرمیی زانكۆی سۆران چێك بكەن بۆ ئاگاداربوون لە هەر گۆڕانكاریی و ڕێنماییەكی نوێ (ئەگەر هەبێت).

١٠- خشتە و وادەی ئەنجامدانی تاقیكردنەوەی توانستی زانستی (زارەكی) لە ڕۆژی دووشەممە ١٠ - ٢ - ٢٠٢٠ ڕادەگەیەندرێت.

جێگەی باسە بۆ ئەمساڵی خوێندنی باڵا، تێكڕا ٦٢٨ پێشكەشكار مافی بەشداریكردنیان لە تاقیكردنەوەی توانستی زانستیدا هەیە. لەو ژمارەیەش ٤٢٩ـیان پێشكەشكاری ماستەرن و ١٩٩ـشیان پێشكەشكاری دكتۆران.

لیستی ناوی ئەو پێشکەشکارانەی کە مافی بەشدارییان لە تاقیکردنەوەی توانستی ئەکادیمیدا هەیە:

فاکەڵتی ئاداب:

ماستەر  pdf icon30X30

دکتۆرا  pdf icon30X30

فاکەڵتی یاسا و زانستە سیاسییەکان و بەڕێوەبردن:

ماستەر  pdf icon30X30

دکتۆرا  pdf icon30X30

فاکەڵتی پەروەردە:

ماستەر  pdf icon30X30

دکتۆرا  pdf icon30X30

فاکەڵتی زانست:

ماستەر  pdf icon30X30

دکتۆرا  pdf icon30X30

فاکەڵتی ئەندازیاری:

ماستەر  pdf icon30X30

دکتۆرا  pdf icon30X30

سەنتەری توێژینەوەی زانستی :

ماستەر  pdf icon30X30

دکتۆرا  pdf icon30X30