Deprecated: Methods with the same name as their class will not be constructors in a future version of PHP; ExposeBrowser has a deprecated constructor in /home/soranedu/public_html/libraries/expose/libs/browser.php on line 135
زانکۆی سۆران - رێوڕه‌سمی حه‌وته‌مین خولی ده‌رچووانی زانكۆی سۆران به‌ڕێوه‌ چوو

رێوڕه‌سمی حه‌وته‌مین خولی ده‌رچووانی زانكۆی سۆران به‌ڕێوه‌ چوو

Soran Uni 7th Graduation Ceremony

 

رۆژی چوارشه‌ممه‌ رێكه‌وتی 23/11/2016  به‌ ئاماده‌بوونی ژماره‌یه‌كی به‌رچاو له‌ ئه‌ندام په‌رله‌مان و كاربه‌ده‌ستی حكومی و حیزبی و ماڵباتی قوتابییان و میوان، به‌ شكۆوه‌ رێوڕه‌سمی حه‌وته‌مین خولی ده‌رچوونی قوتابییانی زانكۆی سۆران به‌ڕێوه‌ چوو.

سه‌ره‌تای ڕێوڕه‌سمه‌كه‌ به‌ هاتنه‌ناوه‌وه‌ی ئه‌نجومه‌ی زانكۆ ده‌ستی پێكرد. پاشان هه‌ر هه‌مووان به‌ مه‌به‌ستی رێزگرتن له‌ گیانی پاكی شه‌هیدان و ئازایه‌تی پێشمه‌رگه‌ قاره‌مانه‌كانی كوردستان، چه‌ند خوله‌كێك به‌ پێوه‌ راوه‌ستان.  دواتر به‌ڕێز  "د. هیوا بالیسانی" سه‌رۆكی لیژنه‌ی باڵای ڕێوڕه‌سمی ده‌رچووان، وتاری لیژنه‌كه‌ی خوێنده‌وه‌. ئینجا نۆره‌ گه‌یشته‌ سه‌ر وتاری به‌ڕێز "د. موسڵح مسته‌فا" سه‌رۆكی زانكۆی سۆران، كه‌ هاوكات به‌ ناوی وه‌زیری خوێندنی باڵاشه‌وه‌ وتاره‌كه‌ی پێشكه‌ش كرد.
ئینجا وتاری قوتابییانی ده‌رچوو له‌ لایه‌ن قوتابی "دەوران رەزاق" پێشكه‌ش كرا.
دواتر هه‌مووان تێكڕا بینه‌ر و گوێبیستی كلیپێك بوون، كه‌ تیشكی خستبووه‌ سه‌ر روانینی قوتابییان و هه‌لومه‌رجی زانكۆی سۆران و تایبه‌تمه‌ندییه‌كانی زانكۆ.
ئینجا سوێندی قوتابییان له‌ لایه‌ن به‌ڕێز "د. نه‌هرۆ زاگرۆس" یاریده‌ده‌ری سه‌رۆكی زانكۆ بۆ كارووباری زانستی خوێندرایه‌وه‌ وقوتابییانیش سوێندی ده‌رچوونیان خوارد.
دواتر نۆره‌ گه‌یشته‌ داواكردنی بڕوانامه‌ی ده‌رچوون له‌ لایه‌ن راگرانی فاكه‌لتییه‌كان بۆ قوتابییه‌كانیان و به‌خشینی له‌ لایه‌ن سه‌رۆكی زانكۆوه‌.
له‌ بڕگه‌یه‌كی دیكه‌ی رێوڕه‌سمه‌كه‌دا، رێز له‌ تێكۆشانی زانستی ئه‌و قوتابییانه‌ی زانكۆی سۆران گیرا، كه‌ له‌ ماوه‌ی ساڵی رابردوودا، بڕوانامه‌ی ماسته‌ریان به‌ده‌ستهێنابوو.
به‌مجۆره‌ و به‌ چوونه‌ده‌ره‌وه‌ی ئه‌نجوومه‌نی زانكۆ له‌ هۆڵه‌كه‌، ڕێوڕه‌سمی حه‌وته‌مین خولی ده‌رچوونی قوتابییانی زانكۆی سۆران، كۆتایی پێهات.
وێنه‌: عه‌بدوڵا ئه‌حمه‌د