به‌شداری دوو مامۆستای راهێنه‌ری زانكۆی سۆران له‌ خولێكی رێكخراوی نه‌ته‌وه‌ یه‌كگرتووه‌كان

23846114 10214410495486183 2146163180 N

 

رۆژی چوارشه‌ممه‌ رێكه‌وتی ٢٢/١١/٢٠١٧، له‌ درێژه‌ی به‌رنامه‌كانی به‌ڕێوه‌به‌رایه‌تی گشتی به‌ره‌نگاربوونه‌وه‌ی توندوتیژی دژی ئافره‌تان و رێكخراوی(UNFPA)،  خولێكی تایبه‌ت له‌ژێر ناونیشانی (کاریگەرییە کۆمەڵایەتی و جێندەرییەکان لەسەر توندووتیژی)، بۆ بەڕێوەبەری ھەموو نووسینگەکانی بەڕێوەبەرایەتییەکانی بەرەنگاربوونەوەی توندووتیژی دژی ئافرەتان لەسەر ئاستی باشووری کوردستان، به‌ڕێوه‌چوو.

 له‌و خوله‌دا، كه‌ به‌ میوانداری نووسینگەی بەڕێوەبەرایەتی بەرەنگاربوونەوەی توندووتیژی دژی ئافرەتان لە شاری سۆران به‌ڕێوه‌چوو، هه‌ردوو مامۆستای به‌توانای زانكۆی سۆران "م. کاروان محمد" مامۆستای به‌شی كۆمه‌ڵناسی و "م. کاروان کاکەبرا" مامۆستای بەشی دەروونناسی له‌ فاکەڵتی ئاداب، به‌شدارییان كرد و له‌ دوو بڕگه‌ی جیاوازدا، دوو سیمیناریان به‌م شێوه‌یه‌ی خواره‌وه‌ پێشكه‌شكرد:

ــ  سیمینارێک لە ژێر ناونیشانی ( کاریگەرییە دەروونییەکانی دەستدرێژی سێکسی بۆ سەر ئافرەتان) له‌ لایه‌ن "م کاروان کاکەبرا".

ــ سمینارێک لە ژێر ناونیشانی (کاریگەرییە کۆمەڵایەتییەکانی دەستدرێژی سێکسی بۆ سەر ئافرەتان) له‌ لایه‌ن "م. كاروان محه‌ممه‌د".

دوابه‌دوای سیمیناره‌كان، "م. کاروان کاکەبرا" پڕۆگرامێکی چارەسەری دەروونی بۆ ئەو ئافرەتانەی دەستدرێژی سێکسیان کراوەتە سەر، پێشكه‌ش به‌ رێكخراوه‌كان و به‌ڕێوه‌به‌رایه‌تییه‌كانی به‌ره‌نگاربوونه‌وه‌ی توندوتیژی دژی ئافره‌تان كرد.

شایه‌نی باسه‌ لە کۆتاییشدا، بڕوانامەی بەشداربوون بەخشرایە ئاماده‌بووانی خوله‌كه‌.