کوردی 
English 
رۆژی چوارشه‌ممه رێكه‌وتی ٢٣/٥/٢٠١٨، به ئاماده‌بوونی به‌ڕێزان "د. موسڵح مسته‌فا" سه‌رۆكی زانكۆی سۆران، "د. قه‌یس كاكل" راگری فاكه‌ڵتی ئاداب، "د. شێروان شه‌ریف" راگری فاكه‌ڵتی ئه‌ندازیاری و ژماره‌یه‌كی به‌رچاو مامۆستا، له رێوڕه‌سمێكدا سوپاس و پێزانین به‌خشرایه ئه‌و مامۆستایانه‌ی فاكه‌ڵتی ئاداب، كه له دڵنیای جۆری و زانستخوازی به‌رده‌وامدا بۆ ساڵی خوێندنی ٢٠١٦-٢٠١٧، نمره‌ی به‌رزیان به‌ده‌ستهێنابوو.
له رێوڕه‌سمه‌كه‌دا، هه‌ریه‌ك له به‌ڕێزان سه‌رۆكی زانكۆ و راگری فاكه‌ڵتی ئاداب وته‌یان پێشكه‌شكرد و، سوپاسی گه‌رمی مامۆستایانیان كرد، كه سه‌ره‌ڕای سه‌ختییه‌كان، هه‌م ئه‌ركی په‌روه‌رده‌یی خۆیان جێبه‌جێكردووه وهه‌م توانیویشیانه سه‌ركه‌وتن به‌ده‌ستبێنن.
زانكۆی سۆران له كۆتاییه‌كانی ساڵی 2009 به فه‌رمانی حكومه‌تی هه‌رێمی كوردستان دامه‌زرا. زانكۆی سۆران هه‌ر له سه‌ره‌تای دامه‌زرانییه‌وه، به دنیابینییه‌كی كراوه و به سه‌رنج چڕ كردنه‌وه له سه‌ر كواڵیتی زانست و په‌ره‌پێدانی پێوه‌ندی نێوده‌وڵه‌تی، هه‌وڵی داوه نموونه‌یه‌كی نوێ له ئه‌زموونی دامه‌زراوه‌ی ئه‌كادیمی پێشكه‌ش بكات.