به‌ڕێوه‌چوونی وۆركشۆپێك سه‌باره‌ به‌ رۆڵی ئافره‌ت له‌ كۆمه‌ڵگا

Sli

رۆژی پێنجشه‌ممه‌ رێكه‌وتی ٢١/٢/٢٠١٩، به‌ ئاماده‌بوونی به‌ڕێزان "م. دیار معاذ خلیل" راگری فاكه‌ڵتی په‌روه‌رده‌ و ژماره‌یه‌كی به‌رچاو مامۆستا، قوتابی و میوان، بەشی زانستە کۆمەڵایەتییەکانی فاکەڵتی په‌روه‌رده‌، چوارەمین وۆرکشۆپی خۆی بە ناونیشانی (ڕۆڵی ئافرەت لە ئێستا و ڕابردوودا) ئه‌نجامدا، کە تێیدا کۆمەڵێک بابەتی پەیوەست بە پرسی ئافرەتان لە هەرێمی کوردستان، لە ڕێگەی ئامار و داتا و شیكردنه‌وه‌ی زانستی، خرانەڕوو.

‎لە دەستپێکی وۆركشۆپه‌كه‌دا، بەڕێز راگری فاكه‌ڵتی په‌روه‌رده‌، وتەیەکی پێشکەشکرد و تیشکی خستە سەر گرنگی وۆرکشۆپەکە و چاڵاکی زانستی لەم چەشنە، له‌ پێناوی پێڕاگه‌یشتنێكی زانستییانه‌ به‌ هه‌ستیارترین بابه‌ته‌ كۆمه‌ڵایه‌تییه‌كان.

‎دواتر بڕگه‌كانی وۆرکشۆپەکە ده‌ستیان پێكرد، كه‌ لە دوو پانێڵ پێکهاتبوون.

لە پانێڵی یەکەمدا، كه‌ له‌ لە لایەن بەڕێز "م. هاژە چیچۆ" به‌ڕێوه‌ ده‌برا، بەشداربووان بانگهێشت کران بۆ گفتووگۆكردن لەسەر بابەتەکانیان، کە پێکهاتبوون لەم بابەتانەی خوارەوە:

‎١. ڕۆڵی ئافرەت لە ناوەندی بڕیاردا، لە لایەن  به‌ڕێز "نه‌دا مێرگەسۆری".

‎٢. یەکسانی جێندەری لە بواری پەروەردەدا، له‌ لایه‌ن به‌ڕێز "م. بەهار علی قادر".

‎٣. گۆڕانکارییە یاساییەکان لە بەرژەوەندی ئافرەت لە هەرێمی کوردستان، له‌ لایه‌ن به‌ڕیز "د. ماجده‌ عه‌لی".

پێویسته‌ بگوترێ كه‌ دوای پێشكه‌شكردنی بابه‌ته‌كان، گفتوگۆی ئاماده‌بووان ده‌ستیپێكرد، كه‌ سه‌رنج و تێبینی و پرسیاره‌كانی خۆیانیان هێنایه‌ گۆڕێ و له‌ گه‌ڵ پانێلیسته‌كان تاوتوێیان كردن.

‎پاشان پانێلی دووه‌م، كه‌ لە لایەن بەڕێز "م.ی. بحری لطیف یحیی"، به‌ڕێوه‌ده‌برا، ده‌ستیپێكرد. ئه‌و بابه‌تانه‌ش كه‌ له‌م پانێله‌دا پێشكه‌شكران، بریتی بوون له‌مانه‌:

١. پێگه‌ی ئافره‌ت له‌ ناوه‌ندی بڕیار، له‌ لایه‌ن بەڕێز "ئاری ڕەفیق"

‎٢. ئەتەکێتی پیاو لە هەمبەر ئافرەت، لە لایەن بەڕێز "پ.ی. د عبدالملک عثمان حمدامین).

‎دوای پێشكه‌شكردنی بابه‌ته‌كانی ئه‌م پانێله‌ش، به‌شداران سه‌رنج و پرسیاره‌كانیان هێنایه‌ گۆڕێ و گفتوگۆیان له‌باره‌وه‌ كرا.

شایه‌نی باسه‌، كه‌ له‌ كۆتایی وۆركشۆپه‌كه‌ش، كۆمه‌ڵێك راسپارده‌  و پیشنیار خرانه‌ ڕوو، تا ئاڕاسته‌ی لایه‌نه‌ په‌یوه‌ندیداره‌كان بكرێن.