Deprecated: Methods with the same name as their class will not be constructors in a future version of PHP; ExposeBrowser has a deprecated constructor in /home/soranedu/public_html/libraries/expose/libs/browser.php on line 135
زانکۆی سۆران - بەڕێوەبەرایەتی ئەندازەو پڕِوژەکان

بەڕێوەبەرایەتی ئەندازەو پڕِوژەکان

 

بەڕێوەبەرایەتی ئەندازە و پڕۆژەکان (بیناکاری) لە سالی ٢٠٠٩ وەکو دەزگایەکی تەکنیکی وجێبەجێکار بە پێی دیزاین و تایبەتمەندی ئەندازیاری سەردەم، لە پێناو ئامادەکردن و سەرپەرشتی کردن و ڕاپەڕاندن و چاودێری کردن و هەلسەنگاندنی هه‌موو ئەو پڕۆژانەی کە بۆ خزمەتی زانکۆ بنیات دەنرێن، دامه‌زراوه‌. 

پێكهاته‌ی کارگێڕی بەڕێوەبەرایەتی ئەندازە و پڕۆژەکان

بەڕێوەبەرایەتی ئەندازە و پڕۆژەکان لە ڕووی کارگێڕییەوە بەستراوەتەوە بە یاریده‌ده‌ری سه‌رۆكی زانكۆ بۆ کاروباری کارگێڕی و دارایی. به‌شه‌ پێكهێنه‌ره‌كانی بریتین له‌:

بەڕێوەبەری بەڕِێوەبەرایەتی ( ئۆفیس)

بەڕێوەبەرایەتی ئەندازە و پڕوژەکان لە ئێستادا لە لایەن ئەندازیار ( نزار شاکر پیرۆ ) کە هەڵگری بڕوانامەی ( ماستەر )ە لە بواری ئەندازیاری کارەبا، به‌ڕێوه‌ ده‌برێت. 

بەڕێوەبەر سەرپەرشتی بەڕێوەبەرایەتییەکە دەکات، ده‌سه‌ڵاتی ته‌واوی هه‌یه‌ بۆ راپه‌ڕاندنی هه‌موو كاره‌ تەکنیکی و کارگێڕیییه‌كان و ئاڕاستەکردنی جێبەجێ کردنی کارەکان و دیاری کردنی ئەرکەکان و دابەشکردنی بەرپرسیاتییەکانی بەڕێوەبەرایەتی بە سەر هه‌موو فه‌رمانبه‌رانی به‌ڕێوه‌به‌رایه‌تییه‌كه‌ و له‌ به‌رامبه‌ریشدا بەرپرسیارە بەرامبەر بە ی. س.زانکۆ بۆ کاروباری کارگێڕی و دارایی.

یەکەم: بەشی نەخشەدانانی پڕۆژەکان ( پلان دانان )

بەرپرسیاریەتی ئەم بەشە دەسپێردرێت بە کەسێکی شیاو کە شارەزایی لە پێنج ساڵ کارکردن کەمتر نەبێت و بە لایەنی کەمەوە هەڵگری بڕوانامەی بەکاڵۆیۆس بێت لە بواری ئەندازیاری. ئەم بەشە هه‌موو پسپۆڕِیەکانی ئەندازیاری لە بواری ( شارستانی، تەلارسازی، کارەبا و میکانیک )  و هەروەها تەکنیککاران لە خۆ دەگرێت. ئەم بەشە لە سێ یەکە پێک دێت:

١-یەکەی نەخشەدانان  و لێكۆڵینه‌وه‌ له‌ پڕۆژەکان

٢- یەکەی دیزاین و نەخشەکێشان

٣- یەکەی دەرخستەکان

ئەرکەکانی بەشی پلان دانان:

یەکەی نەخشەدانان و لێكۆڵینه‌وه‌ له‌ پڕۆژەکان هەلدەستێت بەم کارانەی خوارەوە:

١-ئامادەکردنی سوود و بایه‌خی ئابوری و تەکنیکی پڕۆژەکان.

٢-ئامادەکردنی وەسفی گشتی پڕۆژەکان، بەخشینی راوێژی ئەندازیاری،ئەڕشیف کردنی پلان و دۆسیەکان.

٣-دەستنیشان کردنی پێداویسیتییەکانی ساڵانەی فاکەڵتیەکان لە ڕووی بیناکارییەوە بە هەماهەنگی لە گەڵ فاکەڵتییەکان و بەڕێوەبەرایەتی دارایی بۆ جێگیرکردنی لە ناو بوودجەی پلاندانان و بوودجەی ساڵانەی زانکۆ.

٤-ئامادەکردنی مەرج و تایبەتمەندییە پێویسته‌كان بۆ گرێبەستەکان بە هەماهەنگی لە گەڵ بەڕێوەبەرایەتی گرێبەستەکان.

٥- ئامادەکردنی هه‌موو بەڵگەنامە پێویستەکانی تایبەت بە پرۆسەی بانگهێشتکردنی (کەمگیری) پڕۆژەکان بە هاوکاری و هەماهەنگی لەگەڵ بەڕێوەبەرایەتییەکانی: گرێبەستەکان، یاسایی و دارایی.

٦- ئامادەکردنی هه‌موو به‌ڵگه‌كانی تایبه‌ت به‌ وه‌به‌رهێنا و ئامادەکاری بۆ دەستبەکاربوونی پڕۆژەکان لە حاڵەتی سپاردندا.

٧-پێکهێنانی لێژنەکانی تایبه‌ت به‌ سەرپەرشتیاری پڕۆژەکان، چ ئەو پڕۆژانەی بە شێوەی ڕاستەوخۆ جێبەجێ دەکرێن یا خود ئەوانەی بە شێوەی بەڵێندەرایەتی جێبەجێدەکرێن بەهەماهەنگی لەگەڵ بەڕێوەبەرایەتییه‌كانی دارایی و کارووباری یاسایی.

دووەم بەشی ڕاپەڕاندن (جێبەجێکردن )ی پڕۆژەکان :

بەرپرسیاریەتی ئەم بەشە دەسپێردرێت بە کەسێکی شیاو کە شارەزایی لە پێنج ساڵ کارکردن کەمتر نەبێت لە بواری بەڕێوەبردنی پڕۆژەکان و بە لایەنی کەمەوە هەڵگری بڕوانامەی بەکالۆریۆس بێت.

بەشی جێبەجێکردن هەڵدەستێت بەم کارانەی خوارەوە :

١- سەرپەرشتی کردنی پڕۆژەکان و چاودێری کردنی لێژنەکانی سەرپەرشتیاری و ڕاپەڕاندنی پڕۆژەکان .

٢- سەردانی مەیدانی شوێنی پڕۆژەکان و چاودێری كردنی چۆنییه‌تی بەڕێوەچوونی پڕۆژەکان .

٣- پێشنیارکردنی سیاسەتە گشتییەکانی بیناکردن و سەرپەرشتیاری.

٤- بەشداری کردن لە ئامادەکردنی مەرج و تایبەتمەندییە پێویسته‌كان بۆ گرێبەستەکان .

٥- سەرپەرشتی کردنی ڕاپەڕاندن و جێبەجێکردنی گرێبەستی پڕۆژەکان .

٦- لێکۆڵینەوە لەگەڵ ئەندازیارانی نیشتەجێ لە بارەی شێوازی ڕاپەڕاندن بە پێی پلان و خشتەی پڕۆژەکان .

٧- ئامادەکردنی پێوانەی شاراوەی پڕۆژەکان .

٨- دیاریکردنی بڕی کرێی سەرپەرشتیاری و چاودێری پڕۆژەکان بە پێی ڕێنماییه‌ داراییه‌كان بە هەماهەنگی لەگەڵ بەڕێوەبەرایەتی دارایی.

٩- هەڵسەنگاندنی کاری کرێکاران لە پڕۆژەکان.

١٠- هاوکاریکردنی بەشەکانی تری بەڕێوەبەرایەتی بۆ ڕاپەڕاندنی کارەکان .

سێیەم : بەشی بەدواداچوون

بەرپرسیاریەتی ئەم بەشە دەسپێردرێت بە کەسێکی شیاو کە شارەزایی لە پێنج ساڵ کارکردن کەمتر نەبێت لە بواری بەڕێوەبردنی پڕۆژەکان و بەلایەنی کەمەوە هەڵگری بڕوانامەی بەکالۆریۆس بێت لە بواری ئەندازیاری.

بەشی بەدواداچوون هەڵدەستێت بەم کارانەی خوارەوە :

١-بەدواداچوونی گرێبەستەکانی سەرپەرشتیاری و لێكۆڵینه‌وه‌و و ووردبینی کردنیان لەگەڵ لایەنە گشتییەکان و یەکەکانی کاری پیشەیی .

٢-بەشداری کردن لە وەرگرتنی سەرەتایی و کۆتایی پڕۆژەکان و کۆتایی هێنان بە هەموو کارە یاساییەکانی پەیوەست بە پڕۆژەکان، بە هەماهەنگی لەگەڵ بەڕێوەبەرایەتییه‌كانی:  دارایی، کاروباری یاسایی و گرێبەستەکان.

٣-وەرگرتنی خشتەی بەرەو پێشچوونی کار بۆ هه‌موو پڕۆژەکان و ووردبینی کردن و جێگیرکردنیان لە فەرمانگە و بەردەوامیدان بەم خشتانە بە پشت بەستن بە سەردانی مەیدانی پڕۆژەکان.

٤-بەرزکردنەوەی ڕاپۆرتی مانگانەی پڕۆژەکان بە ووردی لەسەر ڕاپەڕاندنی کارەکانی پڕۆژەکان بە پێی ڕێژەی ئەنجامدراوی فعلی و بڕی لادراو و تێبینی و ڕێگریەکان بۆ بەڕێوەبەری فەرمانگە .

٥-ئامادەکردنی لیست و ڕاپۆرتەکانی ژمێریاری تایبەت بە پڕۆژەکان، کە لە لایەن وەزارەتەوە داواکراون. لەگەڵ ڕاپۆرتی مانگانە بە هەماهەنگی لەگەڵ بەڕێوەبەرایەتی دارایی و بەڕێوەبەرایەتی گشتی پڕۆژەکان لە وەزارەت.

٦-بەدواداچوون بۆ پێداویستییەکانی ئامادەکردنی شوێنی کار یاخوود زەوی داواکراو بۆ پڕۆژەکان، بە هەماهەنگی لە گەل بەڕێوەبەرایەتی کارووباری یاسایی .

٧-بەدواداچوونی پێویست بۆ کاری لێژنەکانی کردنەوە و شیکردنەوە بە هەماهەنگی لەگەڵ لایەنە په‌یوه‌ندیداره‌كان.

٨-پێکهێنانی لێژنەی نرخدانان و پێدانی ماوەی زێدەکی بە هاوکاری بەشەکانی تری بەڕێوەبەرایەتی .

٩-بەدواداچوونی هه‌موو پشکنینە تاقیگەییەکان،کەره‌ستەی هاتوو یاخود بەکار هاتوو بۆ پڕۆژەکان و ئامادەکردنی ڕەزامەندی دەوری بۆ بەدواداچوونی پشکنینەکان .

١٠-بەشداربوون لە ئامادەکردنی خەمڵاندنەکانی بوودجەی پڕۆژەکانی زانکۆ .

ئەرکەکانی بەشی کارگێڕی :

١-وەرگرتن و ناردنی پۆستەکانی بەڕێوەبەرایەتی بۆ بەشەکانی تری زانکۆ و وەزارەت .

٢-پاراستنی به‌راییه‌کان له‌ دۆسیه‌ی تایبه‌تدا.

٣- ئاماده‌کردنی فۆڕمی پێدانی مۆڵه‌ت و فۆڕمی ئیفادی فه‌رمانبه‌ران به‌پێی ڕێنماییه‌کان.

٤-فۆتۆکۆپی و چاپ کردنی نووسراوی تایبەت.