گه‌شتی زانستی قوتابییانی به‌شی ژمێریاری بۆ سه‌ندیكای ژمێریاران

Sli

 

ڕێکەوتی ٢٠٢٠/٢/٢٤، قوتابییانی قۆناغی یه‌كه‌می به‌شی ژمێریاری له‌ سكوڵی به‌ڕێوه‌بردنی فاكه‌ڵتی یاسا و زانسته‌ سیاسییه‌كان و به‌ڕێوه‌بردن، بە سەرپەرشتی مامۆستایان "ناجی مه‌سیح ئاودل" و "کامه‌ران ئیبراهیم" سەردانی سه‌ندیكای ژمێریاران و وردبینان و ئەنستیتیوتی باڵای ژمێركارانی یاسایی كوردستان یان كرد و،  لەلایەن ستافی سەندیکا و به‌ڕێز ‌جێگری نه‌قیب "ئازاد مه‌عروف عه‌بدوڵا" پێشوازیان لێکرا.

له‌ میانه‌ی ئه‌و سه‌ردانه‌دا، قوتابییان ئاشنابوون به‌ هه‌موو كار و چالاكییه‌كان و به‌شه‌كانی سه‌ندیكاكه‌ و دوو لایه‌ن خۆشحاڵی خۆیان بۆ سه‌ردانه‌كه‌ و په‌ره‌پێدانی په‌یوه‌ندییه‌كانیان ده‌ربڕی.

وێنه‌كان له‌ لاپه‌ڕه‌ی فه‌یسبوكی سه‌ندیكا وه‌رگیراون.