ڕۆژی پێنج شەممە، ٣ی نۆڤەمبەری ٢٠٢٢، پ. ی. د. شێروان شەریف قورتاس پێشوازیی لە شاندێکی زانکۆی سێن سیرل میتۆدیای سلۆڤاکی کرد. شاندەکە بە سەرۆکایەتیی د. کاترینا سلۆبدۆڤا بوو. هاوکات، د. ئەحمەد دزەیی، سەرۆکی زانکۆی بەیان، ئامادەی دانیشتنەکان بوو. لە ئەنجامی ئەم سەردانەدا، یادداشتنامەیەکی لێکتێگەیشتن واژۆ کرا.
ڕۆژی چوارشه‌ممه، ٢٦ی تشرینی یه‌كه‌می ٢٠٢٢، لە زانکۆی سۆران، پێشبڕکێی ئەدسنی نێودەوڵەتی بۆ باشترین داھێنان بەڕێوەچوو. فاکەڵتیی یاسا، زانستە سیاسییەکان و بەڕێوەبردنی زانکۆی سۆران، بە ھاوکاریی کۆلیژەکانی پەروەردە و ئەندازیاریی زانکۆی سامەڕا و سەنتەری نێودەوڵەتیی فەڕەنسی بۆ زانایان و داھێنەران لقی عێراق، بە بەشداری ٦٧ بەشداربوو لە ١٧ زانکۆی حکومی و ئەھلی لە دە پارێزگای عێراق، ھەروەھا بەشداربوون لە سێ دەوڵەتی بیانیەوە، شه‌شه‌مین پێشبڕکێی ئەدسنی نێودەوڵەتی بۆ باشترین داھێنان ساز كرا.
ڕۆژی چوارشه‌ممه، ١٢ـی ئۆکتۆبەری ٢٠٢٢، یه‌كه‌مین دیداری زانكۆی سۆران بۆ پرسی میدیا به ناونیشانی 'ڕاگه‌یاندنی فه‌رمی له سه‌رده‌می فره‌یی ڕاگه‌یاندنی نافه‌رمیدا' به‌ڕێوه‌چوو. دیداره‌كه له‌لایه‌ن به‌ڕێوه‌به‌رایه‌تیی ڕاگه‌یاندنی زانكۆی سۆران سۆرانه‌وه ڕێكخرابوو و لە ژێر چاودێریی به‌ڕێز پ. ی. د. شێروان شه‌ریف قورتاس، سه‌رۆكی زانكۆی سۆران، بەڕێوەچوو. لەم دیدارەدا، ژمارەیەکی بەرچاو لە میدیاكاران، قوتابیان، مامۆستایان و فه‌رمانبه‌ران و ئارەزوومەندانی بواری میدیا ئامادە بوون. بەڕێز کۆڤان عیززەت، راگەیاندنکاری دیاری دامەزراوەی میدیایی کوردستان٢٤، قسەکەری سەرەکیی دیدارەکە بوو.
بە گوێرەی نوێترین ڕیزبەندیی کیوئێس بۆ زانکۆکان، زانکۆی سۆران یەکەمی سەر ئاستی هەرێمی کوردستانە. هاوکات لە سەر ئاستی عێراقیش پێشڤەچوونی گەورەی تۆمار کردووە و گەشتووەتە پلەی حەوتەم. بە بۆنەی ئەم سەرکەوتنە گەورەیە و لە ڕێوڕەسمێکی شایستەدا کە لە دوبەی بەڕێوەچوو، خەڵاتی کیوئێس بەخشرایە سەرۆکی زانکۆی سۆران.
بە بەشداریی ڕێزدار مەسروور بارزانی، سەرۆکی حکومەتی هەرێمی کوردستان، ئەمڕۆ، ٨ی ئۆکتۆبەری ٢٠٢٢، زانکۆی سۆران دیداری پرسی کورد لە ڕۆژهەڵاتی ناوەڕاستی بەڕێوە برد. دیدارەکە بە هاوئاهەنگیی لەگەڵ زانکۆی ساینس پۆ گرۆنۆبڵی فەڕەنسا و سەنتەری فەڕەنسی بۆ توێژینەوە سەبارەت بە عێراق بوو. لەم دیدارەدا بەرپرسە باڵا سیاسییەکان و پسپۆڕانی زانستە سیاسییەکان لە ناوەوە و دەرەوەی وڵات بەشدار بوون و چەندین وتار پێشکەش کران و پرسی کورد لە ناوچەکە تاوتوێ کرا. هەر لەم دیدارەدا، بەڕێز ڕێبەر ئەحمەد، بەربژێر بۆ پۆستی سەرۆک کۆماری عێراق، کە هاوکات وەزیری ناوخۆی حکومەتی هەرێمی کوردستانیشە، بەشدار بوو.
