ڕۆژی سێشەممە، ٢٠ی ئەیلولی ٢٠٢٢، لێژنەی باڵای ئامادەکاری کۆنفڕانس، لە کۆنگرەیەکی ڕۆژنامەوانیدا، ڕێکستنی کۆنفڕانسی (ئێستا و ئایندەی کەرکوک) لە ھەولێری پایتەخت بە پاڵپشتت ڕێزدار مەسڕوڕ بارزانی، سەرۆکی حکومەتی ھەرێمی کوردستان، لە ھەلێری پایتەخت، لە مانگی نیسانی ٢٠٢٣ ڕاگەیاند. ھەروەھا، پ. ی. د. شێروان شەریف قوڕتاس، سەرۆکی زانکۆی سۆران، ئەندامانی ئەنجومەنی زانکۆ و ژمارەیەکی بەرچاو لە قوتابیان، مامۆستایان و فەرمانبەران لە ڕێوڕەسمەکەدا ئامادەبوون.
ئەپدەیتی دووەمی ڕیزبەندیی وێبۆمەتریکس ڕاگەیەندرا
زانکۆی سۆران لە پێشکەوتنی بەردەوامدایە و بە گوێرەی ڕیزبەندییە متمانەپێکراوەکان بۆ زانکۆکانی جیهان، عێراق و هەرێمی کوردستان، زانکۆی سۆران پێشکەوتنی بەرچاوی بە دەست هێناوە و لە سەر ئاستی زانکۆ حکومییەکانی هەرێمی کوردستان لە پلەی دووەمدایە. ڕیزبەندییەکە مانگی ئەیلوولی ئەمساڵ و لەلایەن دامەزراوەی وێبۆمەتریسکەوە ڕاگەیندراوە کە بریتییە لە ڤێرژنی ئەپدەیتکراوەی ڕاگەیاندنی پێشووی مانگی تەمووز.
ڕۆژی دووشەممه، ڕێکەوتی ١٢ی سێپتەمبەری ٢٠٢٢، یاداشتنامەیەکی لێکتێگەیشتن لە نێوان زانکۆی سۆران و هەر دوو زانکۆی سەلاحەدین-هەولێر و دهۆک واژۆ کرا. یاداشتنامەکە بە ئامادەبوونی سەرۆکی هەر سێ زانکۆ و نوێنەری وەزارەتی خوێندنی باڵا و توێژینەوەی زانستی لە هەولێر واژۆ کرا. بە گوێری ئەم یاداشتە، زانکۆی سۆران هاوکارییەکانی لەگەڵ زانکۆکانی سەلاحەدین-هەولێر و دهۆک لە بوارە جیاوازەکاندا فراوانتر دەکات.
پ. د. دلاوەر عەلائەدین میوانی زانکۆی سۆران بوو. لە دوو سیمیناری تێروتەسەلدا، باسی لە مامۆستای پڕۆفیشناڵ و زانکۆی دامەزراوەیی کرد. ژمارەیەکی زۆر لە مامۆستایانی زانکۆ ئامادەی سیمینارەکە بوون. گفتوگۆیەکی گەرموگوڕ بەڕێوەچوو. سەرۆکی زانکۆ سوپاسنامەی ئاراستەی پڕۆفیسۆر کرد.
ڕۆژی یەکشەممە، ١١ی سێپتەمبەری ٢٠٢٢، یەکەمین دیداری کاروباری زانستیی زانکۆی سۆران لە کەمپەسی دێلزیانی زانکۆی سۆران بەڕێوەچوو. دیدارەکە بە مەبەستی خستنە ڕووی ئەو کار و چالاکییە زانستییانە بوو کە لە ماوەی ساڵی ڕابردوودا ئەنجام دراون. هاوکات گفتوگۆ لەسەر خوێندنی باڵا، بۆڵۆنیا پڕۆسێس و چەند پرس و بابەتێکی زانستی و ئەکادیمی کرا. تیایدا باس لە هەندێ ڕێکار کرا بۆ ساڵی نوێی خوێندن.
