له درێژه‌ی په‌ره‌پێدانی په‌یوه‌ندییه ئه‌كادیمییه نێوده‌وڵه‌تییه‌كان، رێكه‌وتی ١٤/٩/٢٠٢١، تیمێكی شوێنه‌وارناسیی ئه‌ڵمانی به سه‌رپه‌رشتی "د. تیم کریگ" له زانكۆی کیل و "د. تۆبیاس هۆڵمز" له زانكۆی ماینتز، سه‌ردانی زانكۆی سۆرانیان كرد و له لایه‌ن به‌ڕێز"د. شێروان شه‌ریف قڕتاس" سه‌رۆكی زانكۆ، پێشوازی لێكرا.
له چوارچێوه‌ی په‌ره‌پێدانی په‌یوه‌ندییه نێوده‌وڵه‌تییه‌كان و به مه‌به‌ستی ره‌خساندنی هه‌لی په‌ره‌پێدانی تواناكان بۆ قوتابییانی زانكۆی سۆران و، دوای ئه‌وه‌ی كه له ماوه‌ی رابردوودا له نێوان زانكۆی سۆران و زانكۆی ساپیێنزا له ئیتالیا، یاداشتێكی لێكگه‌یشتن واژۆكرا و به پێی ئه‌و یاداشته، كۆمه‌ڵێك بواری كاركردنی هاوبه‌ش دیاریكرابوون، له نویترین پێشهاتدا، دوو زانكۆ یه‌كێك له به‌نده‌كانی ئه‌و یاداشتی لێكگه‌یشتنه، كه په‌یوه‌سته به ئاڵوگۆڕی قوتابی له نێوانیان، جیبه‌جێ ده‌كه‌ن.
وا بڕیاره رێكه‌وتی ٩ تا ١١ی ٢٠٢١، زانكۆی سۆران و شاری سۆران میوانداری كۆنفرانسێكی گه‌وره بكه‌ن.
ئه‌م كۆنفرانسه كه به میوانداری و هاوبه‌شی زانكۆی سۆران و زانكۆی سه‌نتراڵ فلۆریدای ئه‌مریكا به‌ڕێوه‌ده‌چێ، بۆ ماوه‌ی سێ رۆژ و به ئاماده‌بوونی زیاتر له ١٠٠ كه‌س به‌ڕێوه‌ده‌چێ و سه‌رنجی پرسه‌كانی تایبه‌ت به گه‌نجان و رێگاكانی چاره‌سه‌ركردن ده‌دات.
رۆژی یه‌كشه‌ممه رێكه‌وتی ١١ی ئه‌یلوولی ٢٠٢١، شاندێكی زانكۆی سۆران به سه‌رۆكایه‌تی به‌رێز "د. شێروان شه‌ریف" سه‌رۆكی زانكۆی سۆران و ئه‌ندامه‌تی به‌ڕێزان "د. سیروان جه‌بار ئه‌مین" یاریده‌ده‌ری سه‌رۆكی زانكۆ بۆ كارووباری زانستی و "د. رزگار سه‌عید" یاریده‌ده‌ری سه‌رۆكی زانكۆ بۆ كارووباری قوتابییان، به مه‌به‌ستی به‌شداری له كۆنفرانسێكی زانستی تایبه‌ت به شۆڕشی ئه‌یلول، سه‌ردانی زانكۆی دهۆكیان كرد.
رۆژی هه‌ینی رێكه‌وتی ١٨/٦/٢٠٢١، به ئاماده‌بوونی ده‌یان توێژه‌ر و كه‌سایه‌تی له زانكۆ و ناوه‌نده جیاوازه‌كانی دنیا، كۆنفرانسی نێوده‌وڵه‌تی هاوبه‌شی زانكۆی سۆران و زانكۆی كۆڤێنتری له به‌ریتانیا به ناونیشانی (چاوخشاندنەوەیەك بە مێژووی ئەنفال و جینۆساید لە ڕۆژهەڵاتی ناوەڕاستی ئەمڕۆ: یاده‌وه‌ری به‌كۆمه‌ڵ، قوربانی، مرونەت و شۆکی بەردەوام) به‌ڕێوه‌چوو.
