ئەکادیمی

ئه‌نجوومه‌نی توێژینه‌وه‌ی ئیسپانی (ویبۆ مێتریكس – webometrics), كه‌ یه‌كێكه‌ له‌ سه‌نته‌ره‌ به‌ناوبانگه‌كانی ئه‌نجامدانی پله‌به‌ندی بۆ زانكۆكانی جیهان، له‌رێگه‌ی پێگه‌ی ئه‌لیكترۆنی زانكۆكانه‌وه‌ (ویب سایتی زانكۆكان)، بۆ نیوه‌ی دوو‌‌ه‌می ساڵی 2017،  ئه‌نجامی ریزبه‌ندی زانكۆكانی راگه‌یاند. به‌و شێوه‌یه‌ی كه‌ له‌ ریزبه‌ندییه‌كه‌دا هاتووه‌، زانكۆی سۆران وه‌كو هه‌میشه‌ توانیویه‌تی پێشه‌نگی خۆی نیشان بدات و  له‌ چاو خولی پیشتری راگه‌یاندنی ئه‌و ریزبه‌ندییه‌، به‌ سه‌ركه‌وتنی پله‌یه‌ك، بووه‌ته‌ دووه‌م له‌ ئاستی كوردستان و له‌ ئاستی عێراقیشدا، به‌ سه‌ركه‌وتنی چوار پله‌،  توانیویه‌تی له‌ پله‌ی نۆیه‌مین زانكۆدا،  جێبگرێ.

رێکخراوی یونی رانک (UniRank)ـی ئوستراڵی، کە بارەگاکەی لە شاری "سیدنی"یە و ساڵانه‌ له‌ دوو نۆره‌ی جیاوازدا، پله‌به‌ندی بۆ ١٣٠٠٠ هه‌زار زانكۆی ٢٠٠ وڵاتی جیاواز ده‌كات،  رۆژی ٢٩/٧/٢٠١٧ نوێترین ئه‌پده‌یتی پله‌به‌ندییه‌كه‌ی خۆی راگه‌یاند.

رۆژی دووشه‌ممه‌ ڕێکەوتی ٢٤/٧/٢٠١٧، به‌ ئاماده‌بوونی به‌ڕێز "د. موسڵح مسته‌فا" سه‌رۆكی زانكۆی سۆران، زانکۆی سۆران لەژێر ناوی ”کوردستان و عێڕاق: یەکگرتن یان جیابوونەوە؟“، کۆنفڕانسێکی نێونەتەوەیی لە گۆنگرێسی ئەمەریکا (US Congress) بەست.