لە چوارچێوەی پڕۆگرامی ئاڵوگۆڕی قوتابی لە نێوان زانکۆی سۆران و زانکۆی ساپیێنزا لە ڕۆمای پایتەختی ئیتالیا، دەرگای پێشکەشکردن دەکرێتەوە. قوتابیانی بەکالۆریۆس، ماستەر و دکتۆرا لە زانکۆی سۆران دەتوانن لە پڕۆگرامەکەدا بەشدار بن و لە ڕێگەی پڕکردنەوەی ئەم فۆڕمە هاوپێچەوە ناوی خۆیان تۆمار بکەن. ١٠ قوتابی هەڵدەبژێردرێن و ئەوانەی براوە دەبن کۆرسێکی خوێندنەکەیان لە زانکۆی ناوبراو درێژە پێ دەدەن.
ڕۆژانی چوارشەممە و پێنجشەممە، ڕێکەوتی ٢٧ و ٢٨ی تەمووز، کۆنفرانسێکی نێودەوڵەتی لە زانکۆی سۆران بەڕێوەدەچێت. ناونیشانی کۆنفڕانسەکە بریتییە لە "چەند خوێندنەوەیەکی مەعریفی بۆ زانستە مرۆڤایەتی و کۆمەڵایەتییەکان". فاکەڵتیی ئادابی زانکۆی سۆران و دامەزراوەی زەکەوات (مۆسسه الژكوات) کۆنفڕانسەکە بەڕێوە دەبەن.
«وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ»(التوبة - ١٠٥)
ڕووداوی شەهیدکردنی هەر دوو مامۆستا پ. د. کاوان ئیسماعیل، ڕاگری کۆلێژی یاسا و پ. ی. د. ئیدریس حەمە خان، مامۆستا لە کۆلێژی ئەندازیاریی زانکۆی سەلاحەددین-هەولێر کۆدەنگییەکی نیشتیمانی سەبارەت بە مەزڵوومیی خوالێخۆشبووان درووست کردووە. هەمووان هاوسۆزییان بۆ کەسوکاری قوربانیان هەیە.
زانكۆی سۆران به هه‌ماهه‌نگی ئه‌نجومه‌نی عه‌ره‌بی بۆ مه‌شق و داهێنانكاری قوتابیان، خولێكی مه‌شقی هاوینه بۆ ماوه‌ی دوو هه‌فته بۆ قوتابیانی، له زانكۆی كوالالامپور، له وڵاتی مالیزیا ساز ده‌كات. دواكات بۆ خۆ تۆماركردن بریتییه له: ١٧ـی ته‌مووزی ٢٠٢٢، ده‌ستپێكی خوله‌كه‌ش له ١٥ـی ئابی ٢٠٢٢ ده‌بێت.
لە تاقیگەکانی هەر دوو بەشی بایۆلۆجی و کیمیای فاکەڵتیی زانست لە زانکۆی سۆران، چەندین پشکنینی پزیشکی لە ڕێگەی خوێن و میز بۆ مامۆستایان و فەرمانبەرانی زانکۆی سۆران ئەنجام دەدەرێت.
مامۆستایان و فەرمانبەرانی خوازیار دەتوانن ڕۆژانی سێشەممە و چوارشەممە، ٢١ـ٢٢ـی حوزەیرانی ٢٠٢٢، لە کاتژمێر ۹ـی بەیانی تا کاتژمێر ۱۲ـی نیوەڕۆ، سەردانی بەشی بایۆلۆجی بکەن بە مەبەستی ئەنجامدانی پشکنینەکان. هەروەها، ئەنجامی بەشێك لە پشکنینەکان پەیوەندی هەیە بە خواردن و خواردنەوەی پێشوەختە، بۆیە باشترە ٨-١٢ کاتژمێر پێش ئەنجامدانی پشکنینەکان هیچ نەخورێت و نەخورێتەوە جگە لە ئاو.
پەڕەى 6 لەکۆى 44 پەڕەدا