زانكۆی سۆران به‌شداری له‌ كۆنفرانسی گه‌شت و گوزار ده‌كات

Tourism Conference

رۆژی شه‌ممه‌ رێكه‌وتی ٢٠١٤/١١/٢٩ به‌ڕێوه‌به‌رایه‌تی گه‌شت وگوزاری سۆران كۆنفرانسێكی تایبه‌ت به‌ گه‌شت و گوزاری له‌ ژێر ناونیشانی" پەرەپێدانی کەرتی گەشتیاری لە هەر چوار قەزای سۆران ، ڕواندز، مێرگەسۆر و چۆمان" به‌ڕێوه‌ برد.

له‌ سه‌ر بانگێشتی فه‌رمی به‌ڕێوه‌به‌رایه‌تی گه‌شت وگوزاری سۆران، شاندێكی زانكۆی سۆرانیش به‌ سه‌رۆكایه‌تی "د. یادگار ره‌سووڵ" یاریدەدەری سەرۆکی زانکۆ بۆ کارووباری قوتابییان، به‌شدار بوو.

له‌ وته‌یه‌كیدا بۆ ماڵپه‌ڕی زانكۆ، د. یادگار گوتی: لە سەر ئاستی ئیداری و زانستی به‌شداریمان له‌م كۆنفرانسه‌دا كرد و وه‌كو نوێنه‌ری سه‌رۆكی زانكۆ چه‌ند سه‌رنج و رێنماییه‌كمان خستنه‌ به‌رچاوی لایه‌نی پێوه‌ندیدار.

له‌ درێژه‌دا "د. یادگار" باسی له‌وه‌ كرد، كه‌ له‌م كۆنفرانسه‌دا، مامۆستایانی پسپۆڕی زانكۆ له‌ بواری گه‌شت و گوزار به‌ دوو لێكۆڵینه‌وه‌ له‌ ژێر ناونیشانی "ڕۆڵی کەرتی گەشت و گوزار لە دروست کردنی نەخشەی ئابووریدا (دەڤەری سۆران وەک نموونە)" و "پەرەپێدانی ژێرخانی خزمەتگوزاری ناوچە گەشتیارییەکان و رێگری کردن لە زێدەڕۆییەکان"به‌شدارییان كرد، كه‌ له‌ گه‌ڵ پێشوازی گه‌رمی ئاماده‌بووان به‌ره‌وروو بوون.

راپۆرت و وێنه‌: رۆژهات مه‌هدی