مامۆستایه‌كی زانكۆی سۆران كتێبێكی تایبه‌ت به‌ فریاگوزاری سه‌ره‌تایی بۆ پێشمه‌رگه‌كانی به‌ره‌ی شه‌ڕی دژی تیرۆر ئاماده‌ ده‌كا

Slider

 

له‌ سۆنگه‌ی هه‌ست كردن به‌ به‌رپرسیارێتی و له‌و روانگه‌وه‌ كه‌ هه‌ریه‌ك له‌ ئێمه‌ پێویسته‌ به‌ ئه‌ركی خۆمان به‌رامبه‌ر به‌ نیشتمان و پاراستنیی هه‌ڵبستین، مامۆستایه‌كی به‌توانای زانكۆی سۆران به‌ ناوی "م.شۆرش مستەفا گۆرۆنی" سه‌رۆكی به‌شی بایۆلۆجی فاكه‌ڵـتی زانست، كتێبێكی تایبه‌ت به‌ فریاگوزاری سه‌ره‌تای ئاماده‌كرد و پێشكه‌ش به‌ پێشمه‌رگه‌كانی كوردستانی كرد.

 ناوەڕۆکی کتێبەکە بریتییە لە چۆنیەتی ئەنجامدانی فریاگوزاری سەرەتایی بۆ حاڵەتەکانی برینداربوون، وەستانی هەناسەدان و لێدانی دڵ، شکان، گەستن و پێوەدان، بەرکەوتنی چەکی کیمیایی و بایۆلۆجی و...هتد.

به‌ مه‌به‌ستی گه‌یاندنی ئه‌م كتێبه‌ به‌ به‌ره‌كانی شه‌ڕ و پێشكه‌شكردنی به‌ پێشمه‌رگه‌كان، تیمێكی فاكه‌ڵـتی زانست به‌ نوێنه‌رایه‌تی سه‌رۆكی زانكۆ و به‌ سه‌رۆكایه‌تی (د.سەردار محی الدین) ڕاگری فاکەڵتی و ئه‌ندامێتی بەشێک لە سەرۆک بەش و فەرمانبەرانی فاكه‌ڵـی، سه‌ردانی به‌ره‌كانی شه‌ڕی كرد و پێشكه‌ش به‌ به‌رپرسانی پێشمه‌رگه‌ كرا.

هه‌ر له‌م سه‌ردانه‌دا، له‌ لایه‌ن هه‌ردوو به‌رپرسانی میحوه‌ری باشیك و گوێڕ، به‌ڕێزان (حمید ئەفەندی)و (شێخ سیروان بارزانی) و ژماره‌یه‌كی به‌رچاو له‌ فه‌رمانده‌ و پێشمه‌رگه‌، پێشوازییان لێكرا و سوپاس و پێزانینی خۆیان به‌رامبه‌ر به‌ مامۆستای نووسه‌ر و  زانكۆی سۆران ده‌ربڕی.

شایه‌نی باسه‌ كه‌ زانكۆی سۆران ئه‌ركی له‌چاپدانی كتێبه‌كه‌ی له‌ ئه‌ستۆ گرتبوو.