هەڵمه‌تێكی نه‌مام چاندن له‌ زانكۆی سۆارن به‌رێوه‌ چوو

Co Existence

له‌ پێناوی چاندنی گیانی ئاشتی و پێكه‌وه‌ژیان و هاوڕێیه‌تی هەڵمه‌تێكی نه‌مام چاندن له‌ زانكۆی سۆارن به‌رێوه‌ چوو

ئه‌مڕۆ چوارشه‌ممه‌ رێكه‌وتی 28/12/2016 به‌ ئاماده‌بوونی به‌ڕێزان "د. روشدی سه‌مه‌د" یاریده‌ده‌ری سه‌رۆكی زانكۆ بۆ كارووباری كارگێڕی و دارایی، نوێنه‌ری سه‌ردار گرووپ و راگرانی فاكه‌ڵتییه‌كانی زانست و ئه‌ندازیاری و پیاوانی ئایینی موسوڵمان و مه‌سیحی و ژماره‌یه‌كی به‌رچاو له‌ مامۆستایان و فه‌رمانبه‌رانی زانكۆی سۆران، هه‌ڵمه‌تێكی نه‌مام چاندن به‌رێوه‌ چوو.
ئه‌م هه‌ڵمه‌ته‌ كه‌ بریتی بوو له‌ چاندنی داری "ساكوار"، له‌ وڵاتی یابانه‌وه‌ و وه‌ك سیمبولی ئاشتی و هاورێیه‌تی و به‌ مه‌به‌ستی په‌ره‌پێدانی گیانی هاورێیه‌تی و پێوه‌ندی له‌ نێوان یابان و عیراق و كوردستان، له‌ لایه‌ن كۆمپانیای سه‌ردار گرووپ به‌ هاوكاری باڵیۆزخانه‌ی یابان هێنرابوون و به‌ هاوبه‌شی له‌ لایه‌ن مامۆستایانی ئایینی مه‌سیحی و موسوڵمان و نوێنه‌رایه‌تی زانكۆی سۆرانه‌وه‌، له‌ كه‌مپی زانكۆ له‌ دێلزیان، چاندران.
شایه‌نی باسه‌ كه‌ داری "ساكورا" دارێكی جوانه‌ و له‌ لای یابانییه‌كان ره‌مزی هاورێیه‌تی و ئاشتییه‌.
وێنه‌: رۆژهات مه‌هدی