به‌ڕێوه‌بردنی وۆرکشۆپێکی دوو ڕۆژە بە سپۆنسەری رێکخراوی ئایرێکسی ئەمریکی بە پالپشتی باڵیۆزخانەی ئەمریکا لە عێراق

Slider

 

دوای ئەوەی سەنتەری گەشەپێدانی کاری زانکۆی سۆران لە پێشبرکێیەکی زانکۆکانی کوردستان، بوو بە براوەی گرانتێکی  رێکخراوی ئایرێکسی ئه‌مریكی، بۆیه‌ بە بەشداری ٨٠ قوتابی لە هه‌موو بەشە جیاوازەکانی زانکۆی سۆران، لە بەرواری ١٥و ١٦/٤/٢٠١٧، هه‌ستا بە ئەنجامدانی وۆرکشۆپێکی دوو رۆژە بە زمانی ئینگلیزی.

لە ڕۆژی یەکەمی وۆرکشۆپەکەدا، کە کاتژمێر ٩ ی سەرلەبەیانی دەستیپێکرد و ٤ ی ئێوارە کۆتاییهات، چەند چالاکی و سیمینار و پرێزنتەیشنێك لە بابەتە جیاوازەکانی بازاری کارو بڕیاڕدان و چارەسەرکردنی کێشەکان و ئیشکردن بە شێوەی تیم و گرنگی به‌هره‌و توانای هه‌مه‌جۆر له‌ بازاڕی كار، پێشكه‌ش كران.

 لە ڕۆژی دووەمیشدا چەند بابەتێکێکی گرنگ و جۆراوجۆر بەشیوەی پرێزەنتەیشن و سیمینار لە لایەن چەند کۆمپانیایەکی وەبەرهێنان و بەبازاڕکردن پێشکەشکران. شایه‌نی باسه‌ كه‌ نوێنەرانی قونسوڵخانەی ئەمریکا لە هەولێر، بەشداری ئەم وۆرکشۆپە بوون.

لە کۆتایی ووۆرکشۆپەکەدا و دوای دوو رۆژ كاری به‌رده‌وام،  به‌ڕێزان سەرۆکی زانکۆی سۆران '' د. موسلح مستەفا'' و ''د. نەهرۆ زاگرۆس" یاریدەدەری سەرۆکی زانکۆ بۆ کارووباری زانستی، سەردانی وۆرکشۆپەکەیان کرد و دوای پێشكه‌شكردنی وته‌یه‌ك، بڕوانامه‌ی به‌شداربوونیان به‌خشییه‌ به‌شدارانی وۆركشۆپه‌كه‌.

شایه‌نی باسه‌ ئه‌مه‌ چه‌نده‌مین گرانته‌، كه‌ سه‌نته‌ری گه‌شه‌پێدانی كاری زانكۆی سۆران به‌ مه‌به‌ستی راهێنانی پراكتیكی قوتابییان و بردنه‌ سه‌ری ئاستی زانیاری و توانایان، له‌ رێگای پێشكه‌شكردنی پڕۆپۆزه‌ڵی ئاستبه‌رزه‌وه‌، له‌ رێكخراوه‌ نێوده‌وڵه‌تییه‌كان ده‌یباته‌وه‌.

وێنه‌: فه‌رید قادر