د. به‌شیر حه‌داد: زانكۆی سۆران نموونه‌ی زانكۆیه‌كی راسته‌قینه‌یه‌ 

ئه‌مڕۆ چوارشه‌ممه‌ رێكه‌وتی ٤/٩/٢٠١٩،  به‌ڕێز "د. به‌شیر حه‌داد" جێگری دووه‌می سه‌رۆكی په‌رله‌مانی عێراق، به‌ یاوه‌ری به‌ڕێز  "د. محه‌ممه‌د شاكر" ئه‌ندامی په‌ڕله‌مانی عێراق و له‌ لیژنه‌ی خوێندنی باڵای په‌رله‌مان، سه‌ردانی زانكۆی سۆرانی كرد و له‌ لایه‌ن شاندێكی زانكۆی سۆرانه‌وه‌ به‌ سه‌رۆكایه‌تی به‌ڕێز "د. موسڵح مسته‌فا" سه‌رۆكی زانكۆ، به‌ گه‌رمی پێشوازی لێكرا.

له‌ دانیشتنێكدا له‌ نێوان شاندی میوان و سه‌رۆكایه‌تی زانكۆی سۆران، سه‌ره‌تا به‌ڕێز سه‌رۆكی زانكۆ زۆر به‌گه‌رمی به‌خێرهاتنی به‌ڕێزان جێگری سه‌رۆكی په‌رله‌مانی عێراق و یاوه‌ره‌كانی كرد و، خۆشحاڵی خۆی بۆ سه‌ردانه‌كه‌یان ده‌ربڕی.

له‌ لایه‌ن خۆشییه‌وه‌، به‌ڕێز "د. به‌شیر حه‌داد" له‌ وته‌یه‌كدا، ویڕای سوپاس گه‌رمی سه‌رۆكایه‌تی زانكۆ بۆ پێشوازییه‌ گه‌رمه‌كه‌یان، خۆشحاڵی خۆی بۆ سه‌ردانه‌كه‌ ده‌ربڕی. له‌ وته‌كانیدا، به‌ڕیزیان ئاماژه‌ی به‌ شوێن و پێگه‌ی زانستی زانكۆی سۆران كرد و ئه‌مه‌ی به‌ مایه‌ی خۆشحاڵی و ده‌ستخۆشی زانی.

له‌ درێژه‌دا به‌ڕێزیان ئاماژه‌ی به‌وه‌دا، به‌ سه‌رنجدان له‌و زانیارییانه‌ی كه‌ به‌ده‌ستمان هێناون و ئه‌و پرسیارانه‌ی كه‌ كردوومانن و ئه‌و چالاكییه‌ جۆراوجۆرانه‌ی، كه‌ له‌ كه‌ناڵه‌كانی راگه‌یاندن و تۆڕه‌ كۆمه‌ڵایه‌تییه‌كاندا ده‌یانبیستین و ده‌یانبینین، بۆمان ده‌ركه‌وتووه‌ كه‌ زانكۆی سۆران، وێنه‌یه‌كی راسته‌قینه‌ی زانكۆیه‌كی ئاستبه‌رز و پێشكه‌وتووه‌.

له‌ به‌شێكی دیكه‌ی وته‌كانیدا، تیشكیان خسته‌ سه‌ر ئه‌وه‌ی، كه‌ زۆر مایه‌ی خۆشحاڵیه‌، زانكۆ هه‌وڵی نزیك كردنه‌وه‌ی پسپۆڕییه‌كان له‌ بازاڕی كار ده‌دات و، ئه‌مه‌ی به‌ به‌شێك له‌ هۆكاری پێشكه‌وتنی زانكۆ و كۆمه‌ڵگا زانی و ئه‌وه‌شی خسته‌ڕوو، كه‌ به‌ بێ هه‌بوونی ئه‌و په‌یوه‌ندییه‌، زانكۆ گرنگی نامێنێ.

دواتر په‌رژایه‌ سه‌ر باسی چه‌ند بابه‌تێكی په‌یوه‌ست به‌ ناساندنی زانكۆكانی هه‌رێم و له‌ ورده‌كارییه‌كانی ئه‌و بابه‌ته‌ دوا. به‌ڕێزیان له‌ قسه‌كانیدا، ئاماژه‌ی به‌وه‌ كرد، كه‌ به‌شێك له‌و بابه‌ته‌، په‌یوه‌سته‌ به‌ كێشه‌یه‌ك كه‌ له‌ په‌یوه‌ندی نێوان وه‌زاره‌تی خوێندنی باڵای هه‌رێم و وه‌زاره‌تی خوێندنی باڵای عیراق‌ هه‌یه‌، به‌ڵام هیواشی خواست كه‌ به‌ هه‌وڵ و هیمه‌تی به‌ڕێزانی به‌شدار له‌ لیژنه‌ی خوێندنی باڵای په‌رله‌مان، بتوانرێ ئه‌و كێشه‌یه‌ چاره‌سه‌ر بكرێ. هه‌روه‌ها ئاماژه‌شی به‌وه‌ كرد، كه‌ ئه‌ندامانی كوردی لیژنه‌ی خوێندنی باڵا، زۆر به‌ گه‌رمی به‌ دوای ئه‌و بابه‌ته‌وه‌ن و به‌ به‌رده‌وامی له‌گه‌ڵ وه‌زاره‌تی خوێندنی باڵا و لایه‌نه‌ په‌یوه‌ندیداره‌كان، له‌ پێوه‌ندیدان.

له‌ كۆتایی قسه‌كانیشیدا، زۆر خۆشحاڵی به‌ پێشكه‌وتنه‌كانی زانكۆ ده‌ربڕی و هیوای سه‌ركه‌وتنی بۆ خواست.

دواتر به‌ڕێز سه‌رۆكی زانكۆ، له‌ وته‌یه‌كدا زۆر به‌ كورتی تیشكی خسته‌ سه‌ر ستراتیژ و گرنگترین ده‌سكه‌وته‌كانی زانكۆ و هه‌موو ئه‌و بابه‌تانه‌ی كه‌ بوونه‌ته‌ هۆی ئه‌وه‌ی زانكۆی سۆران سه‌ره‌ڕای كه‌می ته‌مه‌نی، به‌ڵام پێشه‌نگ بێت. دواتر ئاماژه‌ی به‌ سه‌ردانی چه‌ند وه‌فدێكی وه‌زاره‌تی خوێندنی باڵای عێراق و به‌ تایبه‌ت وه‌زیری پێشووی خوێندنی باڵا(د. عه‌بدولڕه‌زاق عه‌بدولجه‌لیل) كرد، كه‌ له‌ سه‌ردانێكدا بۆ زانكۆی سۆران، ویڕای سه‌رسامی به‌ زانكۆی سۆران، هیوای خواست ئه‌زموونی زانكۆی سۆران بگوازرێته‌وه‌ بۆ زانكۆكانی دیكه‌ی عیراق. له‌ لایه‌ن خۆشییه‌وه‌ به‌رێز سه‌رۆكی زانكۆ، هه‌ڵوێستی وه‌زاره‌تی خوێندنی باڵای سه‌باره‌ت به‌ زانكۆكانی كوردستان و به‌تایبه‌ت زانكۆی سۆران، به‌ مایه‌ی سه‌رسوڕمان زانی. دواتر وێڕای ئاماده‌یی ده‌ربڕینی زانكۆ بۆ هاوكاری هه‌ر جۆره‌ كارێكی پێویستی لیژنه‌ په‌یوه‌ندیداره‌كان، هیوای خواست كه‌ په‌رڵه‌مانی عێراق و به‌ تایبه‌ت به‌رێزان له‌ لیژنه‌ په‌یوه‌ندیداره‌كان، بتوانن ئه‌و كیشه‌یه‌ چاره‌سه‌ربكه‌ن.

دواتر شاندی میوان  سه‌ردانی كه‌مپی دێلزیانیان كرد و له‌ نزیكه‌وه‌ سه‌نته‌ره‌كانی تویژینه‌وه‌ی زانستی و سه‌نته‌ری پێرسن و چه‌ند به‌شێكی دیكه‌یان به‌سه‌ركردنه‌وه‌. دوابه‌دوای سه‌ردانه‌كه‌، به‌ڕێز جێگری سه‌رۆكی په‌رله‌مان، ویڕای ده‌ربڕینی سه‌رسامی خۆی بۆ توانستی زانستی زانكۆ، هیوای سه‌ركه‌وتن و به‌رده‌وامی بۆ ستاف و مامۆستایان و به‌ گشتی زانكۆی سۆران خواست، هه‌روه‌ها ئاماژه‌شی به‌وه‌ دا، كارێك بكرێ بۆ كۆكردنه‌وه‌ی نوێنه‌ری زانكۆكانی دیكه‌ی عیراق، تا له‌ نزیكه‌وه‌ ئه‌م ئه‌زموونه‌ ببینن.

 

69426024_2215562855239078_3215128765923328000_n.jpg 69432686_2215562251905805_7518374946393817088_n.jpg 69442555_2215562965239067_2104801946639532032_n.jpg

69448857_2215563038572393_8525150705466474496_n.jpg 69457439_2215562521905778_6048190336549781504_n.jpg 69461176_2215562585239105_1463021742560641024_n.jpg

69495492_2215562228572474_6640106567322566656_n.jpg 69627460_2215562355239128_4818711430733758464_n.jpg 69637669_2215562658572431_7584273187962093568_n.jpg

69677203_2215562061905824_8839320918854467584_n.jpg 69683174_2215562441905786_6987410550728687616_n.jpg 69740476_2215562771905753_7198080968635187200_n.jpg

69792679_2215562068572490_675478706461868032_n.jpg 69822177_2215562545239109_9115521194689298432_n.jpg 69898797_2215562405239123_3766685042986713088_n.jpg

70065084_2215562758572421_2462874405194170368_n.jpg 70252574_2215562948572402_4450230097462427648_n.jpg 70310715_2215562215239142_3795019504879140864_n.jpg

70498377_2215562675239096_4029025605386240000_n.jpg 70503239_2215562715239092_8327520744573501440_n.jpg sli.jpg