جێگری سەرۆكی پەرلەمانی كوردستان (هێمن هەورامی) بڕوانامەی دكتۆرای لە بواری پەیوەندییە نێودەوڵەتییەكاندا، لە زانكۆی سۆران بەدەست هێنا.

ئەمڕۆ چوارشه‌ممه‌ رێكه‌وتی٩/١٢/٢٠٢٠ تاوتوێی تێزی دكتۆرانامەكەی، كە بە زمانی ئینگلیزی بوو به‌ ناونیشانی "An Analysis of the European Union‌s Foreign Policy Challenges in the Middle East - شیكردنەوەی ئاڵنگارییه‌كانی بەردەم سیاسەتی دەرەوەی یەكێتی ئەوروپا لە ڕۆژهەڵاتی ناوەڕاستدا"، بەڕێوەچوو.

لێژنەی تاوتوێكردنەكە تیمێكی نێودەوڵەتی و خۆماڵی بوون و، ئه‌ندامه‌كانی پێكهاتبوون لە:

ــ پڕۆفیسۆر د. محەممەد ئیحسان لە زانكۆی "Kings College"ـی بەریتانی

ــ پڕۆفیسۆری یاریدەدەر نایجڵ مارك لە زانكۆی كوردستان – هەولێر

ــ پڕۆفیسۆری یاریدەدەر جیۆڤانی ماریا لە زانكۆی كوردستان – هەولێر

ــ پڕۆفیسۆری یاریدەدەر عوسمان عەلی لە زانكۆی سەڵاحەددین – هەولێر

ــ پڕۆفیسۆری یاریدەدەر حسێن مه‌زهه‌ر خەڵەف لە زانكۆی بەغداد

دكتۆرانامەكەش لەژێر سەرپەرشتیاری پڕۆفیسۆر د. شێرزاد نەجاڕـدا ئەنجامدرابوو.

پاش تاوتوێكردنی چڕوپڕ كە زیاتر لە ٤ كاتژمێری خایاند، دكتۆرانامەكە سەركەوتوانە پەسەند كرا و بڕوانامەی دكتۆرا بەخشرایە توێژەر.

د. هەورامی، پاش وەرگرتنی بڕوانامەی دكتۆرا ڕایگەیاند، بەدەستهێنانی بڕوانامەی دكتۆرا دەستكەوتێكی شانازیبەخشە بۆ هەر كەسێك، بەڵام بۆ من ئەوەی شانازییەكە زیاتر دەكات ئەوەیە، كە لە زانكۆی پێشەنگی وڵاتەكەی خۆمدا بڕوانامەكەم بەدەست هێناوە.

د. هێمن هەورامی لە دایكبووی ئاداری ١٩٧٦ ـی هەڵەبجەیە. بڕوانامەی بەكالۆریۆسی لە ئەدەبیاتی ئینگلیزیدا بەدەستهێناوە و ماستەریشی لە پەیوەندییە نێودەوڵەتییەكاندا بەدەستهێناوە. خاوەنی ٨ كتێبە لە بوارە جیاوازەكاندا. لە ئەیلوولی ٢٠١٨ـدا وەكو ئەندامی پەرلەمانی كوردستان هەڵبژێردراوە و له‌ شووباتی ٢٠١٩ـشەوە جێگری سەرۆكی پەرلەمانی كوردستانە.

پێویسته‌ بگوترێ كه‌ د. هێمن هه‌ورامی له‌ ئۆكتۆبه‌ری ٢٠١٦ لە خوێندنی دکتۆرا لە زانکۆی سۆران وەرگیراوه‌.

 

130191203_3588317811214232_508330515412977060_n.jpg 130304627_1895051160648882_4949243586113554936_n.jpg 130305940_985233328634692_3207406654563949700_n.jpg

130326532_682178962492266_7543143166307440566_n.jpg 130413146_401318687765594_8073775195814397066_n.jpg 130599969_400562621263940_7616243808177791322_n.jpg

130601794_1675674555926901_447122987480329698_n.jpg 130855683_1868062433349662_5132608970353717270_n.jpg 9F6A7704.JPG