دوای ئه‌وه‌ی سه‌نته‌ری هه‌ندرێن بۆ زمان و توێژینه‌وه‌ی كه‌لتووری/ زانكۆی سۆران، یه‌كه‌مین كۆنفڕانسی نێوده‌وڵه‌تیی به‌ناونیشانی (ڕواندز و پێگه‌یێكی ژیاری به‌ده‌وڵه‌تبوون له‌ مێژووی كورددا) له‌ ڕێكه‌وتی ١٩-٢٠ی ئایاری ٢٠١٦ له‌ هه‌وارگه‌ی پانكی گه‌شتیاری ڕواندز به‌ڕێوه‌برد، رۆژی پێنج شه‌ممه‌ ڕێكه‌وتی ١٨/٥/٢٠١٧ له‌ڕێوڕه‌سمێكی تایبه‌تدا، به‌ ئاماده‌بوونی به‌ڕێز "د. نه‌هرۆ زاگرۆس" یاریده‌ده‌ری سه‌رۆكی زانكۆ بۆ كارووباری زانستی و كۆمه‌ڵێك له‌ مامۆستایانی زانكۆ و ڕۆشنبیران و كه‌سایه‌تی و خه‌ڵكی ڕواندز، چاپی پڕۆسیدینگی كۆنفڕانسی سه‌نته‌ری هه‌ندرێن ڕاگه‌یاندرا.

شایه‌نی باسه‌ دوای به‌خێرهاتن كردنی میوانان و پێشكه‌شكردنی وته‌یه‌ك له‌ لایه‌ن به‌ڕێز(د.هه‌ڵمه‌ت بایز) به‌رپرسی سه‌نته‌ری هه‌ندرێن، تیشك خرایه‌ سه‌ر بایه‌خ و ئامانجی كۆنفڕانسه‌كه،‌ كه‌ بووه‌ مایه‌ی پڕكردنه‌وه‌ی كه‌لێنێكی گرنگی بواری مێژوویی و كه‌لتووری ناوچه‌ی ڕواندز. هه‌روه‌ها به‌رپرسی سه‌نته‌ر، ئه‌م هه‌نگاوه‌ی زانكۆی سۆرانی وه‌ك دیارییه‌ك بۆ ساڵیادی ڕاپه‌ڕینی جه‌ماوه‌ری ڕواندزی ١٩/٥/١٩٨٧ وه‌سفكرد و له‌ كۆتایشدا سوپاسی هه‌ریه‌كه‌ له‌ به‌ڕێزان "عیسا محمه‌د خدر" وه‌ك سپۆنسه‌ری كۆنفڕانس و "ئیسماعیل كورده‌" وه‌ك سپۆنسه‌ری چاپی پڕۆسیدنگه‌كه‌ كرد و هیواشی خواست له‌ داهاتوودا، بۆ پڕكردنه‌وه‌ی پێداویستییه‌كانی كۆمه‌ڵگا، هاوڵاتییانی كوردستان بۆ پڕۆژه‌ جۆراوجۆره‌ زانستییه‌كان، به‌پاڵپشتی دارایی زانكۆكانی كوردستان بن.

 

18554949_1167914409986700_252421766_n.jpg 18555111_1167924753318999_424632333_n.jpg 18555141_1167920963319378_1646849012_n.jpg

18555314_1167919656652842_1571257621_n.jpg 18578494_1167922553319219_1193977178_n.jpg 18578499_1167924176652390_924086162_n.jpg

18578673_1167913863320088_738908320_n.jpg 18578989_1167926026652205_1198564473_n.jpg 18579002_1167921359986005_274826620_n.jpg

18579070_1167925149985626_249124914_n.jpg 18600526_1167926186652189_1307956663_n.jpg 18600576_1167919476652860_2130828004_n.jpg

slider.jpg