لە درێژەیی‌ چالاکییەکانی‌خۆیدا، سەنتەری هەندرێن بە هاوکاری و هەماهەنگی هەر دوو مامۆستای بواری مێتۆدەکانی‌توێژینەوەی ئاماریی بەڕێزان "م. سەعید فقێ" لە بەشی کۆمەڵناسی و "م. زانا" لەبەشی دەروونزانی، خولێکی ڕاهێنانی تایبەت بە بوارێکی گرنگی ئەکادیمی بەناوی توێژینەوە و ڕاپرسی بۆ ستافتی وانەبیژی زانکۆ و ئارەزوومەندانی ناوەوە و دەرەوەی‌ زانکۆ، بەڕێوەبرد.

 خولەکە کە لە ٢٠١٩\٧\٢٣ دەستی پێکرد و بۆ ماوەی سێ حەفتە بەردەوام بوو، وێڕای لەخۆگرتنی وردەکاریی تیۆریی مێتودی توێژینەوەی ئاماری، کە  لە لاین "م. سەعید" پێشکەشکرا،  بەشێکی دیکەشی لەخۆگری توێژینەوەی ئاماری بەشێوەی پڕۆگرامە پێشکەوتووەکانی‌ کۆمپیوتر/ ئۆنلاین بوو، کە لە لاین "م. زانا" پێشکەشکرا.

پێویستە بگوترێ، بە پێی ڕاسپاردەکانی‌خولەکە، بڕیاردرا بەشداربووان بە هاوبەشی، توێژینەوەیەکی ئاماریی مەیدانی ئەنجامبدەن، وەک سەلماندنێک بۆ ئاستی فێربوونیان لە رووی پڕاکتیکییەوە.

 

65545715_1211618269011459_8616347476934262784_n.jpg 65601955_1544511192352509_3691531009456603136_n.jpg 65846900_366180147427561_6083967061938143232_n.jpg

65884522_1376113172543382_3658570365275209728_n.jpg 65946689_444045489752399_4782780966991036416_n.jpg 66315227_449518675868409_368277129051242496_n.jpg

66374281_2423894527662928_7490919874760278016_n.jpg