لە درێژەی بەردەوامی خولی شیاندنی سەرکردایەتی بۆ مامۆستایان، قوتابییان، توێژەرانی زانکۆ، کاندیدانی ماستەرو دکتۆرا، کە له‌ فاكه‌ڵتی یاسا و پێوه‌ندییه‌ نێوده‌وڵه‌تییه‌كان به‌ڕێوه‌ده‌چێ، رۆژی سێشەممە ١٦ی تەمموزی ٢٠١٩، بە ئامادەبوونی بەڕێزان "د.هێمن میرانی " ڕاگری فاکەڵتی و ژماره‌یه‌كی به‌رچاو له‌ مامۆستایان و قوتابییان و توێژەرانی زانکۆ، وانەی سێیەمی خولەکە لە لایەن به‌ڕیز " د. ئیلهام وحید دحام " بە ناونیشانی زمانی جەستە " Body language " پێشکەش کرا .

سەرەتا بەڕێزیان زمانی جەستەی بەوە پێناسە کرد، کە کۆمەڵە هەڵسوکەوتێکە تاکەکان ئەنجامی دەدەن بە بەکارهێنانی دەست و پێ و دەموچاو و تۆنی دەنگ و چاو، بەشێوەیەك پەیامێك ئاڕاستەی بەرامبەر دەکات، بۆ ئەوەی بەرامبەرەکەی لە پەیامەکەی تێبگات. له‌ درێژه‌ی وانه‌كه‌یدا، به‌ڕێزیان  تیشكی خسته‌ سه‌ر ئه‌وه‌ی، كه‌ زمانی جەستە " Body language " بە شێوەی ئیرادی و لا ئیرادی بەکاردەهێنرێت بۆ ئامانجی جیاواز، بەپێی پێویستی تاکەکان، وەك ئەوەی کە مامۆستا بۆ گەیاندنی زانیاری بەشێوەیەکی کاریگەر بۆ قوتابییەکانی بەکاری دەهێنێت و هەروەها دکتۆر لەکاتی گفتوگۆکردنی لەگەڵ نەخۆش بۆ دڵنەوایی کردنی بەکاریدێنێت. هه‌روه‌ها ئاماژه‌ی به‌وه‌ دا، زمانی جەستە بەشێوەیەکی فراوان بەکاردەهێنرێت بۆ ئەو کەسانەی کە لاوازی بیستنیان هەیە، یاخود خاوەن پێداویستی تایبەتن.

له‌ به‌شێكی دیكه‌ی وانه‌كه‌یدا، باسی له‌وه‌ كرد، كه‌ زمانی جەستە " Body language" زمانێکی جیهانییە، به‌وه‌ی كه لە هەموو جیهان تا ڕادەیەك وەکو یەك بەکاردەهێنرێت.

دواتر بەڕێزیان باسی لە گرینگییەکانی زمانی جەستە بۆ ئامادەبووان کرد، بەوەی کە دەبێتە هۆی باشکردنی زمانی پەیوەندی تایبەتی کەسەکە لەگەڵ ئەوانەی کە بەکاری دەهێنێ و، هەروەها ڕێگایەکە بۆ دەربڕینی ئەوەی لە ناخیەتی لە هەست و سۆز بۆ بەرامبەرەکەی، کە بەمەش کاریگەری دەخاتە سەر. پاشان باسی له‌وه‌ كرد، كه‌ زمانی جەستە یارمەتی دەرە لە بەجێهێشتنی " انگباع اولی " لەسەر کەسانی تر و، لە هەمان کاتدا بەوەش جیادەکرێتەوە، کە زمانێکی جیهانییە و بە بەکارهێنانی ئەندامانی لەش دەتوانن لە یەکتری تێبگەن، بێ ئەوەی پێویستییان بە " مترجم " وه‌رگێڕ هه‌بێت .

دواتر بەڕێزیان په‌ڕژایە سەر ئەوەی، کەوا زمانی جەستە چەند جۆر و شێوەیەکی هەیە بۆ درووستکردنی پەیوەندی لەنێوان ئەوانەی کەوا بەکاریدەهێنن، لەوانەش: پەیوەندی کردن لە ڕێگای چاوەکان، کە یەکێکە لە کاراکتەرە گرینگەکانی زمانی جەستە، کە قسه‌كه‌ر ده‌توانێ بە هۆیەوە زۆر مه‌به‌ست بگه‌یه‌نێته‌ به‌رامبه‌ره‌كه‌ی، هه‌روه‌ها پەیوەندی کردن لە ڕێگای ڕووخساری مرۆڤ، کە بۆ ئەمەش مرۆڤ ئەتوانێ بە چەند شێوازێ بەرامبەرەکەی تێبگەیەنێ.

پێویستە ئەوەش بگوترێ کەوا ئامادەبووانی وانەکە هەم لەگەڵ پێشکەشکاری وانەکەو هەم لەنێوان خۆیاندا گفتووگۆیەکی تێروتەسەلیان سەبارەت به‌ زمانی جەستە کرد.

راپۆرت و وێنه‌: زانا تاهیر

 

67015495_856974024703056_4901733960314257408_n.jpg 67081600_2223540171047356_864643252454686720_n.jpg 67117154_2246578378792113_4112628758710583296_n.jpg

67162229_338098453741921_37178735857762304_n.jpg 67177225_1065149377006897_7312869394164482048_n.jpg 67235531_751861038576784_8888591598263205888_n.jpg

67316149_2825612560813517_6802757867880316928_n.jpg 67357396_2700839743260228_8124307287541022720_n.jpg 67369938_616406225549524_8863159211412946944_n.jpg

67512127_499707090838196_4653965384431435776_n.jpg 67542376_457302074819800_7652197829460361216_n.jpg 67547693_1362759967210029_3099214354587844608_n.jpg

67588444_2440336892853447_889114829351026688_n.jpg 67599203_376145809741083_1553615079713275904_n.jpg 67721896_2671635789515115_6022914604336676864_n.jpg