ڕۆژی هه‌ینی ١٥ی نۆڤه‌مبه‌ری ٢٠١٩،  شاندێكی زانكۆی سۆران به‌ سه‌رۆكایه‌تی به‌ڕێز "د. موسڵح مسته‌فا" سەرۆکی زانکۆی سۆران و، به‌ ئه‌ندامه‌تی به‌ڕێزان "د. نەهرۆ زاگرۆس" یاریده‌ده‌ری سەرۆکی زانکۆی سۆران بۆ كارووباری زانستی و "د.عادل باخەوان" سەرۆکی سەنتەری سۆسیۆلۆژیای عێراق لە زانکۆی سۆران، سەردانی ئەنستیتیوتی فەڕەنسی بۆ توێژینەوە لەسەر ڕۆژهەڵاتی ناوەڕاست (ئیرێمۆ)ی کرد و، لەلایەن به‌ڕێزان "پڕۆفیسیۆر ژان پۆل شانیەلۆ" سەرۆکی ئەنستیتیوت و "ئان میلەت" سەرۆکی بەشی پەیوەندییە نێوده‌وڵه‌تییه‌كانی ئەنستیتیوتەوە، پێشوازیان لێکرا.

لەدیدارێکی دۆستانەدا، هەردوو لا وێڕای ده‌ربڕینی خۆشحاڵی بۆ ئه‌م یه‌كتر بینینه‌، باسیان لە دامه‌زراوه‌كانیان و چالاكییه‌كان كرد. له‌ ئه‌نجامی گفتوگۆیه‌كی تێروته‌سه‌ل و هه‌مه‌لایه‌ندا، بڕیاریاندا لە بوارە هاوبەشەکاندا پێکەوە و وەک دوو هاوبه‌ش، کار بكه‌ن.

له‌ وته‌یه‌كدا، به‌ڕێز سه‌رۆكی زانكۆی سۆران، پێشنیاریکرد کە (ئیرێمۆ) هاریكاریان بکات بۆ کردنەوەی خولی پێگەیاندن بۆ خوێندکارانی ماستەر و دکتۆر لە بوارەکانی میتۆدی توێژینەوە و تیۆرییە جیاجیاکانی زانستە سیاسی و کۆمەڵایەتیەکاندا، كه‌ له‌ لایه‌ن شاندی خانه‌خوێوه‌ به‌ گرنگییه‌وه‌ وه‌رگیرا. ئامانجیش له‌م خولانە بریتییە لە ئامادەکردنی نەوەیەکی نوێی توێژەری کوردستانی، تا زیاتر  بەپێی ستاندارده‌ جیهانییەکان، توێژینەوەكانی خۆیان پێشكه‌ش بکەن. ئه‌مه‌ جگه‌ له‌وه‌ی كه‌ هه‌ردوو لا بڕیاریاندا، کە لە پاریس و هەولێر پێکەوە زنجیرەیەک سیمینار و کۆنفرانس  ئەنجامبدەن.

شایەنی باسە، (ئیرێمۆ) ڕاستەوخۆ لەلایەن سەرۆکایەتی ئەنجومەنی وەزیرانی فەرەنسییەوە پشتیوانی ماددی لێدەکرێت و کارایی ڕاستەوخۆی لەسەر درووستکردنی بڕیار لەسەر ڕۆژهەڵاتی ناوەڕست هەیە.

 جگه‌ له‌وه‌، ناوه‌ندی ناوبراو، خاوەنی گۆڤارەی (کۆنفلیۆنسە) کە تەمەنی بیست و نۆ ساڵە و تایبەتمەندە لەسەر ڕۆژهەڵاتی ناوەڕاست. هه‌ر له‌ ئه‌نجامی ئه‌و گفتوگۆیانه‌وه‌، بڕیاریان دا كه‌ گۆڤاره‌كه‌ ده‌رگای بۆ توێژه‌رانی كوردستان بكاته‌وه‌.

 

72197641_1437155913115056_7290288101094588416_n.jpg 74480267_709185189569527_6560221846359244800_n.jpg 74607722_586964362045891_2694377184012795904_n.jpg

74664574_558628571566879_6735973630393450496_n.jpg 74790412_403602757190941_4188875543589945344_n.jpg 75132190_3094812283879456_14757030887686144_n.jpg

75446482_2394610427458862_3575889109501083648_n.jpg 75474193_500438593885954_6934846722325610496_n.jpg 75539991_2629332423801261_9106801187012739072_n.jpg

75650441_592979424799441_396874082164932608_n.jpg 76751446_442866716418213_1045366315105124352_n.jpg 76906699_1725705204230794_7950393856883687424_n.jpg

77398016_560058308060568_4599793898229858304_n.jpg