لە میانەی بەردەوامی کارو چالاکییەکان لە فاکەڵتی یاسا و زانسته‌ سیاسییه‌كان و به‌ڕێوه‌بردن، رۆژی یەكشەممە بەرواری ٢٤ی١١ی٢٠١٩، بە ئامادەبوونی بەڕێزان "د.هێمن میرانی " ڕاگری فاکەڵتی و سەرۆکی بەشی یاسا و مامۆستایان و قوتابییان، بەشی یاسای فاکەڵتییەکە، وۆركشۆپێكی بۆ هەریەکە لە مامۆستایانی فاکەڵتی، به‌ڕێزان "د.خالد السلیم ، م.ی.هیمداد فیصل أحمد ، م.ی.محسن شریف صالح " بە ناویشانی "گرێبەستە نەوتییه‌كانی هەرێمی کوردستان "، رێكخست.

سەرەتا "د. خالد السلیم" تیشکی خستە سەر گرێبەستە نەوتییەکانی هەرێمی کوردستان بە گوێرەی یاسا و، هەروەها ڕێکارە یاساییەکانی ئەم گرێبەستانەو شێوازو چۆنییەتی جێبەجێکردنی ئەم گرێبەستانەی لەنێوان هەرێمی کوردستان و کۆمپانیا نەوتییەکان، بۆ ئامادەبووان باسکرد. دواتر، ڕێگاکانی ئەم گرێبەستە نەوتییانەی بە گوێرەی چەندین بەندی یاسایی ئاماژە پێدا و، بۆ ئەمەش وتی، کەوا هەرێمی کوردستان گرێبەستی نەوتی لەگەڵ چەندین کۆمپانیای بیانی واژۆكردووە، بە نموونەی کۆمپانیای " دانا غاز". بەمەش چەندین بەند و بڕگەی یاسایی بۆ ئامادەبووان شیکردنەوە، کە ئایا ئەو گرێبەستە نەوتییانەی کەوا هەرێمی کوردستان واژۆی كردوون، کامە لە بەند و بڕگە یاساییه‌كانیان، لە بەرژەوەندی هەرێمن و کامەیان لە بەرژەوەندی هەرێم نین.

لە بەشێکی تری وۆركشۆپەکەدا، "م.ی.هیمداد فیصل" لایەنه‌ داراییەکانی گرێبەستە نەوتییەکانی هەرێمی کوردستانی خسته‌ به‌ر لێكدانه‌وه‌ و، بۆ ئەم مەبەستەش بەڕێزیان باسی لە چەند ڕێگایەك کرد، کە لەو گرێبەستە نەوتییانە شایستە داراییەکان بەدەست دێنین. بۆ ئەمەش ئاماژەی بە شەش ڕێگا دا، لەمانەش بە ڕێگای " تەندەر، شیرینی گرێبەستە نەوتییەکان، چریبە، موڵکانە، بەرپرسیارێتی کۆمەڵایەتی، تەئمینات، هێزی کار"، کە بە وردی هەریەکە لەم ڕێگایانەی بۆ ئامادەبووان شیكردنه‌وه‌، كه‌ بە چ شێوەو ڕێگایەك هەرێمی کوردستان دەتوانێ لایەنە داراییەکان بەدەستبێنێ. ئه‌مه‌شی به‌ داتا بۆ ئامادەبووان شیکردەوە.

لە کۆتایی وۆركشۆپەکەشدا، "م.ی.محسن شریف" باسی لە میکانیزمی چارەسەرکردنی ناکۆکییەکان لە گرێبەستە نەوت و گازییەکانی هەرێمی کوردستان کرد. بۆ ئەمەش بەڕێزیان ئاماژەی دا بە چەند جۆرێكی ئەو ناکۆکییانە، لەمانە " ناکۆکییەکانی دەوڵەت بەرامبەر دەوڵەت، کۆمپانیا بەرامبەر دەوڵەت، کۆمپانیا بەرامبەر کۆمپانیا، تاکەکان بەرامبەر کۆمپانیا ". دواتر بەڕێزیان باسی لە گرنگترین ئەو ڕێگایانە کرد، کە پێویستە بگیرێنە بەر بۆ چارەسەرکردنی ناکۆکییەکان لە گرێبەستە نەوت و گازییەکان، لەمانەش بە ڕێگای بەندەکانی ئەو گرێبەستانە و، هەروەها دۆزینەوەی ڕێگای بەدیل یا دادگا. لە کۆتاییشدا، تیشکی خستەسه‌ر میکانیزم و ڕێکارەکانی چارەسەرکردنی ئەو ناکۆکییانە بە پێی یاسای نەوت و گازی هەرێمی کوردستان.

 

70513643_1462820737249687_3697433793464893440_n.jpg 72214841_1024935687838939_1390252395132354560_n.jpg 76688985_833898753731257_6999838021419794432_n.jpg

76720897_2356687441307940_8566795386973323264_n.jpg 76762504_769702186832001_43014982232702976_n.jpg 76905960_2190849941218207_5384660156090941440_n.jpg

76907118_510659329794346_4706727348265811968_n.jpg 77285216_502741697119900_6677571949297664000_n.jpg 77396091_1002867243399302_2589768621249003520_n.jpg

77426649_2782567188454373_6417047080027553792_n.jpg 78242033_277716376494299_790076160565313536_n.jpg 78298146_747853049061453_4683994597469192192_n.jpg

78304528_1063563890648997_6817557023807242240_n.jpg 78454486_2413551365565624_4038538296521916416_n.jpg 78550691_522564501629879_2953881380074815488_n.jpg

sli.jpg