Sliiiiii

" نەخۆشی ئەیدز " لە سیمینارێکدا باسی لێوەکرا

چاپکردن

 

رۆژی یەكشەممە ١ی دیسەمبەری ٢٠١٩، لەسەر ئاستی جیهان ڕۆژی " ئەیدز " ە. هەر بەم بۆنەیەوە لە فاکەڵتی یاساو زانستە سیاسییەکان و بەڕێوەبردن، بە ئامادەبوونی ژماره‌یه‌كی به‌رچاو له‌ مامۆستایان و قوتابییان، سیمینارێك لە لایەن قوتابی قۆناغی دووەمی بەشی پەرستاری پەیمانگای تەکنیکی سۆران بەڕێز " مەڕوان ئیسماعیل " بەناونیشانی " نەخۆشی ئەیدز " و لەژێر سەرپەرشتی ڕێکخراوی تەندروستی ئاشتی، پێشكه‌شكرا.

سەرەتا قوتابی ناوبراو ئەیدزی بەوە پێناس کرد، کە نەخۆشییەکی ڤایرۆسییە بەهۆی ڤایرۆسی ( Human immunodeficiency Virus )  تووشی مرۆڤ دەبێت، کە بەهۆی ئەم نەخۆشییەوه‌، سیستەمی بەرگری لەش لاواز دەبێت، چونکە ڤایرۆسی  ( HIV )  ئەو خانانە لەناودەبات، کە بەرپرسن لە پاراستنی لەش لە تەنی بێگانە، لەوانەش ( ڤایرۆس و بەکتریا و مشەخۆرەکان ..... هتد ). هەروەها ئاماژەی بەوەدا، کە مێژووی ئەیدز نادیارەو چەندین رای جیاوازی له‌باره‌وه‌ هه‌یه‌، بەڵام لە هەموویان زیاتر کە باسی لێوەدەکرێت گوایە بەهۆی ڤاکسینێکەوە کە لە مەیموون درووستکرابوو، پیسبوو بە ڤایرۆسی ئەیدز، بەمەش گوازرایەوە بۆ مرۆڤ.

نیشانەکانی نەخۆشی ئەیدز، تەوەرێکی تری سیمینارەکە بوو. بۆ ئەمەش بەڕێزیان ئاماژەی بەچەند نیشانەیەك دا، له‌وانه‌ ( تا، سەرئێشە، ژانی ماسولکەو جومگەکان، ئەستوربوونی لیمفە گرێیەکان، بێ هێزی، ئارەقکردن لە شەوان). هەروەها نیشانەکانی دوای قۆناغی سەرەتایی بریتین له‌ (هەستکردن بە بێتاقەتی، دەرکەوتنی برینی ناودەم، حەزنەکردن بە خواردن، سکچوونی بەردەوام، پچڕانی سووڕی مانگانە لە ئافرەت و چەندین نیشانەی تر).

لە بەشێکی تری سیمینارەکەدا، بەڕێزیان په‌ڕژایە سەر باسکردنی ڕێگاکانی گواستنەوەی ئەم نەخۆشییە و وتی، کە ڤایرۆسی ( HIV ) دەگوازرێتەوە لە ڕێگای گواستنەوەی خوێن و پێکهاتەکانی، شیری دایك، لە ڕێگای دایکی دووگیان بۆ کۆرپەکەی، لە ڕێگای سێکسکردن، هەروەها بەکارهێنانی دەرزی و موسی کەسی تووشبوو بەم نەخۆشییە. هەروەها باسی لە گرینگترین ئەو ڕێگایانەش کرد، کە پێویستە بگیرێنەبەر بۆ خۆپاراستن و دووربون لەم نەخۆشییە. بۆ چارەسەری ئەم نەخۆشییەش گوتی،  چارەسەرییەکی یەکجارەکی بۆ ئەم نەخۆشییە نییە، بەڵام هەندێ دەرمان بوونیان هەیە کە هەندێ لە نیشانەو ماکەکانی کەسی تووشبوو دوادەخه‌ن.

هەروەها بەپێی داتایەک كه‌ خستیه‌ به‌رچاو، هەر ٥ چرکەیه‌ك کەسێك تووشی ئەم نەخۆشییە دەبێت و هەموو ١٥ چرکەیه‌كیش کەسێك بەهۆی ئەم نەخۆشییەوە دەمرێت. ڕۆژانە تووشبوونی نوێ زیاتر لە ٦٨٠٠ کەسە و ڕۆژانە مردنیش بەهۆی ئەیدز، زیاتر لە ٥٧٠٠ کەسە. لە ساڵی ٢٠١٨ نزیکەی ٣٧٩٠٠٠٠٠ حاڵەتی تووشبوون تۆمارکراون. هەروەها بە پێی داتاو زانیاری نوێی وەزارەتی تەندروستی هەرێمی کوردستان لەبارەی ئەیدز، لەمساڵدا ٢ حاڵەتی نوێی نەخۆشییەکە تۆمارکراون و، به‌مجۆره‌ش کۆی گشتی تووشبووانی ئەیدز لە هەرێم لە ساڵی ١٩٨٦ ەوە تا کۆتایی ٢٠١٨ گەیشتۆتە ٣٥ حاڵەت. تووشبووەکانیش ٩ حاڵەتیان لە ڕەگەزی مێ ن و،٢٦ حاڵەتیشیان لە ڕەگەزی نێرن. ساڵانە زیاتر لە ٣٥٠ هەزار پشکنینی ڤایرۆسی ئەیدز لە هەرێم ئەنجامدەدرێن.

لە کۆتاییشدا بە نمایشکردنی کورتە شانۆیەك بۆ ئامادەبووان، کاریگەری و بارودۆخی کەسی تووشبوو بەم نەخۆشییە لەناو خێزان و کۆمەڵگادا، خرایەڕوو.

 

77205453_510131996244239_5747100879853453312_n.jpg 77353516_566046070890713_8626779441395138560_n.jpg 78085348_1398741866970100_4714104757755576320_n.jpg

78091508_1434736870024089_4651977772351094784_n.jpg 78216973_567883777112143_6421319404255969280_n.jpg 78292446_2460435327565111_2054434860864372736_n.jpg

78308463_965124407178459_2841367418901626880_n.jpg 78334136_784167815327028_6225978068226277376_n.jpg 78485073_3392979537408899_289960792705466368_n.jpg

78602632_580501552776345_1726244066041004032_n.jpg 78610328_2154969178145558_7920379843735191552_n.jpg 78620098_450858152290545_1678595612959834112_n.jpg

78634495_3214799471928325_2971619028071612416_n.jpg 78941594_479987592647673_7604150837773860864_n.jpg 79109346_631092347425979_3865775384523964416_n.jpg

79142335_2795809527104879_566724435105546240_n.jpg 79659381_2362432757199112_1568124286693015552_n.jpg sli.jpg

sliiiiii.jpg