رۆژی سێشەممە ١٠ی دیسەمبەری ٢٠١٩، کە هاوکاتبوو لەگەڵ ڕۆژی ڕاگەیاندنی جاڕنامەی جیهانی بۆ مافەکانی مرۆڤ، لە فاکەڵتی یاساو زانستە سیاسییەکان و بەڕێوەبردن، بە ئامادەبوونی به‌ڕێزان یاریدەدەری ڕاگر و ژماره‌یه‌كی به‌رچاو له‌ مامۆستایان و قوتابییان، بەشی یاسای فاکەڵتییەكه‌ وۆركشۆپێكی بۆ هەریەکە لە مامۆستایانی فاکەڵتی، بەڕێزان " د.ئیدریس قادر ، د.خالد السلیم ، م.ی. ئومێد سفری" بە ناونیشانی " یوم الإعلان العالمي لحقوق الإنسان " رێكخست.

سەرەتای وۆركشۆپەکە بە پوختەیەك دەربارەی ئەم ڕۆژە و لایەنە مێژووییەکەی ئەم ڕۆژە جیهانییە دەستیپێکرد. دواتر باس لەوەکرا، کە ساڵانە لە سەرانسەری جیهاندا، لەم ڕۆژەدا ڕێکخراوە نێودەڵەتییەکان و ڕێکخراوەکانی مافی مرۆڤ و دەوڵەتان، چالاكی جۆراوجۆر به‌ڕێوه‌ده‌بن. هەروەها گرینگی ئەم ڕۆژەو گرینگی ئەم یادە بۆ ئامادەبووان ئاماژەی پێدرا. تەوەرێکی تری وۆرك شۆپەکە باسکردن بوو لە ڕۆڵی ڕێکخراوی نەتەوە یەکگرتووەکانه‌ بەوەی کە ئەم ڕێکخراوە بایەخێکی زۆری داوە بەم ڕۆژە، ئه‌ویش به‌وه‌ی كه‌ بەڵگەنامەی داڕشتووە بۆ چەسپاندنی مافەکانی مرۆڤ بۆ ئەوەی بگات بە دەستی دەوڵەتان و، به‌ڵگه‌نامه‌كه‌س ناونراوه‌ " الإعلان العالمي لحقوق الإنسان ". ئەم بەڵگەنامەیە لە ساڵی ١٩٤٨ بە زۆرینەی دەنگی وڵاتانی ئەندام لەم ڕێکخراوە، پەسەند کرا وه‌ و، یەکەم بەڵگەنامەیە بۆ مافەکانی مرۆڤ و پاراستنی مافەکانی مرۆڤ لەسەر ئاستی نێودەوڵەتی. هه‌روه‌ها ئەوەش وترا، کە ئەم بەڵگەنامەیە لە ٣٠ی ماددەو دیباجە پێکهاتووە، کە هه‌موویان پێداگری لەسەر پێویستیی مافەکانی مرۆڤ و " حقوق و قیمە " ی مرۆڤ ده‌كه‌نه‌وه‌. ئه‌مه‌ جگه‌ له‌وه‌ی كه‌ تێیدا ئاماژە دراوە بە مافە یاسایی و کۆمەڵایەتی و دارایی و ئابوورییەکنی مرۆڤ لەسەر ئاستی جیهان.

لە بەشێکی تری وۆركشۆپەکەدا، باس لە گرنگی و پێویستیی ئەم ڕێکخراوە کرا لە پاراستنی هه‌موو مافەکانی مرۆڤ لەسەر ئاستی جیهان، دواتر تیشكخرایه‌ سه‌ر ڕێکخراوە نێودەوڵەتییەکانی مافی مرۆڤ و ڕاپۆرتەکانیان بۆ ڕەوشی مافەکانی مرۆڤ، کە ئەم ڕێکخراوانە ئامانجەکانیان بەرگری کردنە لە پێشێلنەکردنی مافەکانی مرۆڤ لەسەر ئاستی جیهان. ئنجا باس له‌ دەوری ئەم ڕێکخراوانە لە دەستەبەرکردنی ماف و ئازادی هاوڵاتییان لە وڵاتانی جیاواز و ڕێگری کردن لەو هەڕەشانە كرا، کە مەترسیدارن بۆ سەر ماف و ئازادییەکانی مرۆڤ.

لە کۆتاییدا ئەوەش گوترا، کە ڕاپۆرتی ئەم ڕێکخراوانە بەهای خۆی هەیە، چونکە کاریگەرییەکی زۆریان دەبێ لەسەر ناوبانگی دەوڵەتان، به‌ تایبەت له‌ لایەنە ئابووری و سیاسییەکانه‌وه.

وێنەو ڕاپۆرت : زانا تاهیر

 

78869535_609412986533856_5652768653410566144_n.jpg 78929525_727275841096682_6565840922007830528_n.jpg 78951245_594530621284073_3091931679191728128_n.jpg

78999375_290688575180973_1065601757167484928_n.jpg 79089822_445963506337298_4809281658236698624_n.jpg 79280499_526262628101074_8220132096723648512_n.jpg

79443478_976492932715020_3498418757158567936_n.jpg 79597660_734428843716473_4213920983951605760_n.jpg 79776707_438458350179987_4578332401918279680_n.jpg