به‌ڕێوه‌چوونی وۆركشۆپێك سه‌باره‌ت به‌ رۆژی ژینگه‌

Sli

 

‎رۆژی پێنجشه‌ممه‌ ڕێكه‌وتی ١٦/٤/٢٠٢٠ کاتژمێر ٨:٠٠ی ئێوارە، به‌ به‌شداری ژماره‌یه‌کی بەرچاو له‌ مامۆستایان و قوتابییانی زانكۆ‌كه‌مان، به‌شی زانسته‌ گشتییه‌كانی‌ فاكه‌ڵتی په‌روه‌رده‌، به‌ بۆنه‌ی ڕۆژی ژینگه‌وه‌ وۆركشۆپێكی به‌ ناونیشانی ( Protect the environment, Protect our)، به‌ڕێوه‌برد.

‎ وۆرکشۆپەکە بە ڤیدیۆ کۆنفرانس لە ڕێگای پلاتفۆرمی زووم، لە لایەن به‌ڕێز " م. ی. هه‌ڤاڵ عبدالله‌ " به‌ بابه‌تی  The effect of plant on the environment ) ‎) و به‌ڕێز " م. محمد سعادتیان  " به‌ بابه‌تی ( Impacts of human activities on plant wild life )ئه‌نجامدرا.

‎له‌ سه‌ره‌تادا بەڕێز "م. جێگر علی"  به‌ڕێوه‌به‌ری وۆركشۆپه‌كه‌، به‌خێرهاتنی گشت لایه‌كی كرد و پێشەکییەکی لە بارەی بابەتی وۆرکشۆپەکە باس كرد و، دواتر داوای لە توێژه‌رانی به‌ڕێز کرد، بابه‌ته‌كانی خۆیان پێشكه‌ش بكه‌ن.

‎ له‌ وۆركشۆپه‌كه‌دا به‌ تێروتەسەلی باس له‌ پیسبوونی ژینگه‌ و چۆنیه‌تی پیسبوونی ژینگه‌ كرا. هه‌روه‌ها باس له‌و نه‌خۆشییانه‌ كرا، كه‌ به‌ هۆی پیس بوونی ژینگەوە توشی مروڤ دەبن و، ده‌بنه‌ هۆكاری له‌ناوچوونی ئاژەڵ و ڕووەک.

‎ئامانجی سەرەکی ئەم پانێلە چۆنیه‌تی پاراستنی ژینگه‌ و دەستنیشانكردنی ئەو فاکتەرە سه‌ره‌كییانه‌ بوو کە دەبنه‌ هۆی پیسبوونی ژینگە، بە مەبەستی دۆزینه‌وه‌ی ڕێگە چارە بو پاراستنی ژینگەی کوردستان.

‎له‌ كۆتاییدا، له‌ لایه‌ن ئاماده‌بووانی وۆرکشۆپەکەوە تاوتوێی بابەتەکە کراو و چەند پرسیارێک لەبارەی بابەتی وۆرکشۆپەکە  ئاڕاستەی توێژەران کرا، ئەوانیش وەڵامی پرسیارەکانیان دایه‌وه‌، دواتر كۆتایی به‌ وۆركشۆپه‌كه‌ هێنرا.