به‌رز ڕاگرتنی ڕۆژی ڕۆژنامەگەریی کوردی لە فاکەڵتی پەروەردە

Sli

 

‎بە مەبەستی بەرز ڕاگرتنی ڕۆژی ڕۆژنامەگەریی کوردی، ڕۆژی سێ شه‌ممه‌ ڕێكه‌وتی ٢٢/٤/٢٠٢٠، کاتژمێر ٤:٠٠ی پاش نیوه‌ڕۆ، به‌ به‌شداری ژماره‌یه‌کی بەرچاو له‌ مامۆستایان و قوتابییانی زانكۆ، به‌شی کوردی فاكه‌ڵتی په‌روه‌رده‌، سیمپۆزیه‌مێکی نێودەوڵەتی بە ڤیدیۆ کۆنفرانس لە ڕێگای پلاتفۆرمی زوومەوە ئەنجامدا.

‎له‌ سەره‌تادا له‌ لایه‌ن سەرۆکی بەشی زمانی کوردی بەڕێز "م. هاژه‌ چیچۆ" به‌ڕێوه‌به‌ری سیمپۆزیه‌مەکە، بەخێرهاتنی ئامادەبووان کرا و دواتر بۆ پێشکەشکردنی بابەتەکانیان دەرفەت درا بە قسەکەرانی به‌شدار. بابەتەکان بەمشێوەی خوارەوە، له‌ لایه‌ن ئه‌و به‌ڕیزانه‌ پێشکەشکران‌:
‎- حاکم ئازاد، نەقیبی سەندیکای ڕۆژنامه‌نووسانی كوردستان، به‌ بابه‌تی: " پیشه‌ی ڕۆژنامه‌گه‌ری له‌ هه‌رێمی كوردستان، پێداویستی و خواست و ئه‌رك".
‎- د. سالار عوسمان، بریکاری وەزارەتی ڕۆشنبیری، به‌ بابه‌تی: " میدیا و ململانێی سیاسیی".
‎- سه‌عید ڤەڕۆژ، نوسەر و ڕۆژنامەنووس له‌ دیاربه‌كر، به‌ بابه‌تی" ڕۆژنامه‌گه‌رییا كورد د ساڵێن داویێن دەما ئیمپراتۆریا عوسمانیدا".
‎- د. سۆران بەرزنجی، بەڕێوەبەری بەڕێوەبەرایەتی خوێندنی باڵا و پەیوەندییە ئەکادیمییەکانی زانکۆی سۆران، به بابه‌تی: "ڕه‌وشی میدیایی لە کوردستان، هەڵسەنگاندنێکی یاساییانە".
‎توێژەران لە چوارچێوەی بابەتەکانیاندا بە وردی تیشکیان خستەسەر ڕەوشی ئێستای ڕۆژنامەگەریی کوردی و چەندین سەرنج و پێشنیازی جۆراوجۆریان لەم بارەیەوە خستەڕوو، كه‌ تێكڕا له‌سه‌ر ئه‌وه‌ كۆك بوون، ره‌وشی رۆژنامه‌گه‌ری كوردی پێویستی به‌ پێداچوونه‌وه‌یه‌كی هه‌مه‌لایه‌ن و پڕۆفێشناڵانه‌ و یاسایی هه‌یه‌.
لە کۆتاییشدا ئاماده‌بووان پرسیار و پێشنیازه‌كانیان ئاڕاستەی قسەکەرانی سیمپۆزیه‌مەکە کرد.