ڕۆژی پێنجشەممە ڕێكه‌وتی ١٤/٥/٢٠٢٠ کاتژمێر ٩:٠٠ ی شەو، به‌ به‌شداری ژماره‌یه‌کی بەرچاو له‌ مامۆستایانی زانکۆی سۆران و زانکۆکانی تری کوردستان، به‌شی کوردی فاكه‌ڵتیی پەروەردە، دیدارێکی به‌ ناونیشانی (مێژووی ئه‌ده‌ب و چۆنیه‌تی و ڕێگاكانی نووسینه‌وه‌ی) ئەنجامدا.

دیدارەکە بە ڤیدیۆ کۆنفرانس لە ڕێگای پلاتفۆرمی گۆگڵ میت بەڕێوەچوو.

 له‌ سەره‌تادا له‌ لایه‌ن بڕیاردەری بەشی کوردی بەڕێز "م. ی. سیروان عبداللە احمد" بەڕێوەبەری وۆرکشۆپەکە، بەخێرهاتنی ئامادەبووان کرا و دواتر بۆ پێشکەشکردنی بابەتەکانیان دەرفەت درا بە قسەکەرانی وۆرکشۆپەکە.

بابەتەکان بەمشێوەی خوارەوە پێشکەشکران:‌

١- م. ی. طاڵب عبدالصمد عبدالرحمن بە بابەتی ( چیه‌تیی مێژووی ئه‌ده‌ب )

٢- م. ی. مزەفەر مستەفا اسماعیل بە بابەتی ( ئه‌و كارانه‌ی تا ئێستا بۆ نووسینه‌وه‌ی مێژووی ئه‌ده‌ب كراون و كه‌موكورتییه‌كانیان ).

٣- م. ی. سەرباز مەجید بە بابەتی ( چۆن له‌ داهاتوودا مێژووی ئه‌ده‌ب بنووسینه‌وه )

پرسی نووسینه‌وه‌ی مێژووی ئه‌ده‌بی كوردی، له‌ نێو بابه‌تی مێژووی ئه‌ده‌بدا، پرسێكی ئاڵۆزه‌ و مامه‌ڵه‌كردن له‌گه‌ڵ ئه‌م پرسه‌، كۆمه‌ڵێك پرسیار به‌دوای خۆیدا ده‌هێنێت. بۆیە پێویستە لە داهاتوودا وردتر و زانستییانەتر، هەوڵی نووسینەوەی مێژووی ئەدەبی کوردی بدرێت و هەوڵبدرێت ئەم گرفت و کەموکوڕییانەی کە ڕوویانداوە، دووبارە نەبنەوە و چارەسەربکرێن. هەروەها پێویستە هەوڵ بدرێت بۆ کۆکردنەوە و نووسینەوەی مێژووی ئەدەب، کە لەخۆگری هەموو زار و شێوەزارە ناوچەییەکان بێت،  ئەمەش بە ئامانجی سوودگەیاندن بە فەرهەنگ و زمانەکەمان.

توێژەران لە چوارچێوەی بابەتەکانیاندا بە وردی تیشکیان خستەسەر گرفت و کەموکوڕییەکانی چۆنییەتی نووسینەوەی مێژووی ئەدەبی کوردی و چەندین سەرنج و پێشنیازی جۆراوجۆریان لەم بارەیەوە خستنەڕوو. لە کۆتاییدا ئاماده‌بووان پرسیار و پێشنیازه‌كانیان ئاراستەی قسەکەرانی وۆرکشۆپەکە کرد.

 

96865203_3001157713263304_5794690229889662976_n.jpg 97039246_285548039137478_7219422326121562112_n.jpg 97102530_291975058495896_303286164964507648_n.jpg

97102533_668995250589979_6450655843363848192_n.jpg 97224955_246569569889431_3824677924800299008_n.jpg 97328555_258093132223820_4445681636901650432_n.jpg

97344136_259635765088995_8538510514773295104_n.jpg 97994860_275317990172370_3188384318103748608_n.jpg sli.jpg