وۆركشۆپێكی دوو رۆژه‌ سه‌باره‌ت به‌ ره‌وشی كرێكاران و یاسای كار به‌ڕێوه‌چوو

Sliiiii

 

لە درێژه‌ی کارووچالاکییەکانی فاکەڵتی یاسا و زانسته‌ سیاسییه‌كان و به‌ڕێوه‌بردن، بە ئامادەیی و بەشداری ژمارەیەکی بەرچاو لە مامۆستایان و قوتابییان، بەشی یاسای فاكه‌ڵتی  (بەیانیان) وۆركشۆپێكی دوو رۆژه‌ی به‌ ناونیشانی (ڕەوشی کرێکاران لە هەرێمی کوردستان لە نێوان یاسای کار لە عێڕاق و هەرێمی کوردستان )، یه‌ڕیوه‌برد.

 لەم وۆركشۆپەدا کە دوو ڕۆژ بەردەوامی هەبوو و لە ۱۹و۲۰ی٥ی ۲۰۲۱ به‌ڕێوه‌چوو، چەندین بابەتی گرینگی تایبەت به‌ کرێکار و ڕەوش و گوزەرانی کرێکاران لە عێڕاق و هەرێمی کوردستان و، پێوەرە نێودەوڵەتییەکان بۆ یاسای کار و کاریگەرییەکانی ئابووری کرێکارە بیانییەکان و هەروەها ماف و ئەرکی کرێکار بەگوێرەی یاسای کار  لە گشت کەرتەکان و بە تایبەت کەرتی نەوت، تاوتوێ کران. هەر لە وۆركشۆپەکەدا لە لایەن "م.ڕێبوار مه‌غدید" باس لە گرینگترین ئەو نوێکارییانەی یاسای کاری عێڕاقی کرا بۆ ساڵی ۲۰۱٥، لەگەڵ ئاماژەدان بە چەندین ماددە و بڕگە لە یاسای کاری عێڕاقی و یاسای کاری هەرێمی کوردستان، كه‌ تایبەتن بە پاراستنی ماف و ئەرکەکانی کرێکارانی ناوخۆو بیانی .

مامۆستایان و پێشکەشکاران پێکهاتبوون لە هەریەکە لە بەڕێزان :

ــ ڕۆژی یەکەم

د. حیدر صلاح الدین و د. خالده‌ ژنون مرعی : زانکۆی سۆران ( المعاییر الدولیة‌ لقانون العمل والاثار الاقتصادیة للعمالة الاجنبیة ).

د. كیفی مغدید : زانکۆی پۆلی تەکنیك / کۆلێژی پۆلی تەکنیکی شەقڵاوە ( مافەکانی کرێکار لە کەرتی نەوت )

ــ ڕۆژی دووەم

د . الهام وحید دحام : زانکۆی سۆران ( الاجور في ظل الاوضاع الاقتصادیة وجائحة‌ كورونا )

د. ماجده علی ملا صادق ــ زانکۆی سۆران ( تنظیم عمل الاحداث بین قانون العمل في العراق واقلیم كوردستان )

م. رێبوار مغدید محمود ــ زانکۆی سۆران (نوێکارییەکانی یاسای کاری عیراق بۆ ساڵی ٢٠١٥) .

راپۆرت: زانا تاهیر