کوردی 
English 
ڕۆژی چوارشەممە، ١٣ی ئۆکتۆبەری ٢٠٢١، سیمینارێکی فراوان بۆ ئەنجومەنی فاکەڵتییەکانی زانکۆی سۆران و ژمارەیەک لە بەڕێوەرانی یەکە کارگێڕییەکانی زانکۆ بەڕێوەچوو.
سیمینارەکە لەلایەن د. سامان سۆرانی، ڕاوێژکاری سیاسی لە فەرمانگەی پەیوەندییەکانی دەرەوەی حکومەتی هەرێمی کوردستان پێشکەش کرا و ژمارەیەکی بەرچاو لە ڕاگر، یاریدەدەری ڕاگر، سەرۆک بەش و سەرۆکی یەکە کارگێڕییەکانی زانکۆ و مامۆستایان ئامادە بوون. مەبەست لە سازدانی سیمینارەکە باسکردنی گرنگیی ئەتەکێت بوو بۆ دامەزراوەکانی میری و بە تایبەتیش دامەزراوەیەکی ئەکادیمیی وەک زانکۆ. لە سیمینارەکەدا چەندین تەورەی تایبەت بە پرسی ئەتەکێت، وەک مێژووی ئەتەکێت، نموونەکانی ئەتەکێت، کۆدەکانی پۆشاک، ڕەفتاری شایستە و چەندین تەوەری دیکە باس کران.
بەشداربووان باسیان لە سوودمەندبوونی خۆیان لە سیمینارەکە و گرنگیی سیمیناری لەو چەشنە کرد. ئەوان هەروەها خۆشحاڵی و سوپاسگوزاریی خۆیان دەربڕی بەوەی کە زانکۆی سۆران بایەخ بە پەروەردە و پێگەیاندنی فرەڕەهەندی کارمەندانی دەدات و بەردەوام لە هەوڵی ئەوەدایە کە دامەزراوەکە لە هەموو ڕوویەکەوە بەرەو پێشەوە ببات.
زانكۆی سۆران له كۆتاییه‌كانی ساڵی 2009 به فه‌رمانی حكومه‌تی هه‌رێمی كوردستان دامه‌زرا. زانكۆی سۆران هه‌ر له سه‌ره‌تای دامه‌زرانییه‌وه، به دنیابینییه‌كی كراوه و به سه‌رنج چڕ كردنه‌وه له سه‌ر كواڵیتی زانست و په‌ره‌پێدانی پێوه‌ندی نێوده‌وڵه‌تی، هه‌وڵی داوه نموونه‌یه‌كی نوێ له ئه‌زموونی دامه‌زراوه‌ی ئه‌كادیمی پێشكه‌ش بكات.