وتار

ڕۆلی ناوەندەکانی توێژینەوە لە درووستکردنی بڕیاری سیاسی لە وڵاتانی دیموکراسیدا

Rebaz

 

ڕێباز سەلیم

توێژه‌ری سیاسی - ‌زانكوی سوران

پێشەکی

پڕۆسەی درووستكردنی بڕیاری سیاسی لە ناو دونیای حکومڕانیی دەوڵەتدا شوێنێكی دیاری هەیە. تا ئیستاش پێناسەیەكی دیاریكراو بۆ درووستكردنی بڕیاری سیاسی دانەنراوه. بەشێوەیەك كه تەواوی توێژەرانی بواری سیاسەت لەسەری کۆک نین؛ بەڵام تا ڕادەیەك پێیانوایه كه پڕۆسەی درووستكردنی بڕیار ڕێگایەكه بە هۆیەوه له دەتوانرێت گۆڕانێك درووست بکات بەرەو ئاراستەیەکی تەندرووستتر کاتێک کە دەوڵەت کەڵێنیک یاخود بۆشاییەکی لە پڕۆسەی حکومڕانیدا بۆ درووست دەبێت، یان توشی قەیرانێکی سیاسی دەبێت.بۆیە دەتوانین بڵێین پڕۆسەی درووستكردنی بڕیاری سیاسی، پڕۆسەیەكی داینامیكییه و له كومەڵێك توخم و ڕەگەز و قوناغ پێك دێت. له بنەڕەتدا درووستكردنی بڕیاری سیاسی پەیوەندیەكی بەهێزی هەیه به ئاستی تێگەیشتنی ئەقڵانیەت بۆ پاراستنی بەرژەوەندییەكانی دەوڵەت؛ چ لەسەر ئاستی ناوەخۆ یان لە سەر ئاستی سیاسەتی دەرەوەی دەوڵەت.

درێژەی بابەت: ڕۆلی ناوەندەکانی توێژینەوە لە درووستکردنی بڕیاری سیاسی لە وڵاتانی دیموکراسیدا

نووسینێک سەبارەت بە نووسین: بۆ، چۆن و تاکەی بنووسین؟

Hoshang Dara1

 

هۆشەنگ دارا

پێشەکی:

هەرچەند لە سەردەمانی پێش مۆدێرنەشدا هەر هەبووە، بەڵام ئەمڕۆکە نووسین بووەتە مۆرکێکی مۆدێرنە و مەدەنییەت بە یەخەی ڕۆشنبیرانەوە. بە واتایەکی دیکە، ئەوانەی ئەمڕۆکە دەنووسن بە زۆری ڕۆشنبیر یان لانیکەم کەسانی مەدەنین. لەم چوارچێوەیەشدایە کە دەتوانرێت وەڵامی پرسگەلێکی وەک بۆ بنووسین، چۆن بنووسین و تا کەی بنووسین بدرێتەوە. ئەم نووسینە هەوڵێکە بۆ پەردەژان بە سەر وەڵامدانەوەی ئەو پرسیارانە. هەڵبەت، ئەمە هەرگیز هەوڵێک نیە بۆ بانگەشەکردن بۆ لەقاڵبدانی فۆڕم و ناوەڕۆکی نووسین. لێرەدا، هەوڵ دەدرێت بە کورتی و سانایی، بێ درێژدادڕی و ئاڵۆزکردن، وەڵامێک بۆ ئەو سێ پرسیارەی سەرەوە بخرێتە ڕوو. دواتر لە دەرئەنجامێکی کورتدا، پوختەی ئەوەی کە دەشێت پێی گەشتبین، دادەڕێژرێتەوە و دەخرێتەوە ڕوو.

درێژەی بابەت: نووسینێک سەبارەت بە نووسین: بۆ، چۆن و تاکەی بنووسین؟

گوزەری بەختەوەری بە کوچەی دادپەروەریدا

Dr Hoshang

 

هۆشەنگ دارا

بە درێژایی مێژووی نووسین و بیرکردنەوە، مرۆڤ سەبارەت بە دادپەروەری و بەختەوەری بیری کردووەتەوە و نووسیویەتی – لەوانەیە لەبەر ئەوە بوو بێت کە هیچکات بە هیچیان نەگەشتووە. یۆنانی کۆن، لەم پرسەشدا، پێشەنگە. بە نیسبەت سوکراتەوە، پەیوەندییەکی توندوتۆڵ، تەنانەت ئیلزامی، لە نێوان دادپەروەری و بەختەوەریدا هەیە. واتە: بۆ بەختەوەربوون، لابود دەبێت بە ڕێگای دادپەروەریدا تێپەڕین. لە پرسیارە هەرە گرنگەکان بۆ هەر یەکە لە سوکرات و ئەفلاتۆن بریتییە لەوەی کە داخۆ دادپەروەری چییە؟ بەڵام لە ڕێگای وەڵامدانەوەی ئەم پرسیارەدا، بە ڕەچاوکردنی هەردوو ڕەهەندی کەسی و کۆمەڵگایی، پرسیاری دیکە سەر هەڵدەدەن، وەک: پەیوەندیی نێوان دادپەروەری و بەختەوەریی چییە؟ ئەی ئایا کەسی دادپەروەر لە کەسی ناداپەروەر بەختەوەرترە؟

درێژەی بابەت: گوزەری بەختەوەری بە کوچەی دادپەروەریدا

‎ناكۆكییە كارگێڕییە بەدەركراوەكان لە چاودێری قەزایی

05

م. ی. هێمن حسین

مامۆستا لە فاكه‌ڵتيى ياسا و زانسته‌ سياسييه‌كان و به‌ڕێوه‌بردن

دەستپێك

ناکۆکیە کارگێرییەکان مەبەست پێی هەموو ئەو ناکۆکیانەن کە تێدا یەکێك لە لایەنەکانی ناکۆکیەکە لایەنێکی کارگێری گشتی بێت و ملکەچ بێت بۆ یاسای گشتی، کە عادەتەن لەم ناکۆکیانەش لایەنە کارگێرییەکە وەکو داوالێکراو (المدعی علیها) دەردەکەوێت. مەبەستیش لە چاودێری قەزا بەسەر کاروبارەکانی دامەزراوە کارگێڕییە گشتییەکان، ئەوەیە کە لایەنێکی قەزایی لێکۆڵینەوە بکات لە ئاستی مەشروعیەتی ئەو کاروبارانە لەڕووی یەکبوون یاخود یەکنەبوونی لەگەڵ یاسا بەمانا بەرفراوانەکەی.

درێژەی بابەت: ‎ناكۆكییە كارگێڕییە بەدەركراوەكان لە چاودێری قەزایی

جه‌ژنی نه‌ورۆز خوێندنه‌وه‌یه‌كی شیكاری سیاسی

04

 

پ.ی.د. عبدالرحمن كریم درویش

پێشه‌كی:
نه‌وروز جه‌ژنێكی نه‌ته‌وه‌ی كوردیه‌ سه‌رتاسه‌ری كوردستانییه‌، سه‌رجه‌م مللیه‌تی كورد ساڵا‌نه‌ له‌دێر زه‌مانه‌وه‌ نه‌ورۆز ده‌كه‌نه‌وه،‌ هه‌موو ساڵێك ئه‌م جه‌ژنه‌ كه‌سایه‌تی وشوناسی ئه‌م میلله‌ته‌ بونیاد ده‌نێت، وه‌كو هه‌موو به‌ها وبنه‌مایه‌كی دیكه‌ی كوردستان ئه‌م جه‌ژنه‌ رووبه‌رووی جه‌نگ ده‌بێته‌وه‌، وهه‌وڵده‌درێت شوناسی كورد بوون له‌نه‌ورۆز دوور بخه‌نه‌وه‌، وكوردیش له‌نه‌ورۆز دووبخه‌نه‌وه‌، بۆیه‌ ساڵانه‌ وهه‌ر جارێك به‌شێوازێك هێرش له‌سه‌ر نه‌ورۆز به‌رپارده‌كرێت، ئه‌م بابه‌ته‌ هه‌وڵده‌دات دۆخی نه‌ورۆز له‌ناو ئالۆزی سیاسه‌ته‌ باس بكات ولایه‌نه‌كانی شیبكاته‌وه‌، بۆ ئه‌وه‌ی بتوانرێت راستی ودروستی ئه‌و دۆخه‌ ده‌ربخرێت وروونبكرێته‌وه‌ به‌تایبه‌ت ئه‌و مشتومڕه‌ی له‌سه‌ر شوناسی نه‌ورۆز ده‌خرێته‌ڕوو.

درێژەی بابەت: جه‌ژنی نه‌ورۆز خوێندنه‌وه‌یه‌كی شیكاری سیاسی

پەڕەى 4 لەکۆى 6 پەڕەدا