قوتابییەکی زانکۆی سۆران بووە ئەندامی ئەمنێستی ئینتەرناشناڵ
قوتابییەکی زانکۆی سۆران دەبێتە ئەندامی خۆبەخشی ڕێکخراوێکی نێودەوڵەتیی بەناوبانگ. بێداد لەزگین عوبێد، قوتابیی قۆناغی سێیەمی بەشی سیاسەت و پەیوەندییه نێودەوڵەتییەکان، لە فاكەڵتیی یاسا و زانسته سیاسییەكان و بەڕێوەبردنی زانكۆی سۆران، لە ڕێکخراوی ئەمنێستی ئینتەرناشناڵ - لێبووردنی نێودەوڵەتی بووەتە ئەندام. ئەمنێستی لە سەر ئاستی جیهانی کار بۆ پیادەکردنی ڕێککەوتننامەکانی پەیوەست بە مافی مرۆڤ دەکات. بێداد، لە پاڵ خوێندندا برەو بە تواناکانی دیکەی خۆی، وەک فێربوونی زمان و چالاکڤانیی نێودەوڵەتی دەدات. دوای هەوڵ و ماندووبوونێکی زۆر، ئەو ئێستا لەم ڕێکخراوەدا بووەتە ئەندام.
