قوتابییەکی زانکۆی سۆران کتێبێک وەردەگێڕێت
ئاری تەلعەت، قوتابی قۆناغی چوارەمی بەشی سایکۆلۆژیای زانکۆی سۆران، کتێبی "بیردۆزی پاڵنەری مرۆیی" لە زمانی ئینگلیزییەوە وەرگێڕایە سەر زمانی کوردی.
ئاری یەکێکە لە قوتابییە چالاکەکانی زانکۆی سۆران. لەپاڵ ئەرکی خوێندنیدا، دەستی بە وەرگێڕانی کتێبی بیردۆزی پاڵنەری مرۆیی کردووە و توانی بە چاپی بگەیەنێت.
لە لێدوانێکیدا بۆ ڕاگەیاندنی زانکۆی سۆران، ئاری دەڵێت: "لەبەر کەمی کتێبی وەرگێڕدراوی زانستی، بە تایبەتی لە بواری سایکۆلۆژیا، دەستم کرد بە وەرگێڕانی ئەم کتێبە. ئەمە یەکەم بەرهەمی بڵاوکراوەی منە. ئەم وەرگێڕانە سوودی دەبێت بۆ فێرخواز و ئارەزوومەندانی ئەم بوارە. هەروەها دەتوانرێت وەک سەرچاوە لە توێژینەوەکانیان بەکاری بهێنن".
