رۆژی چوارشەممە ڕێکەوتی ١٨ی کانوونی یەکەمی ٢٠١٩، قوتابییانی قۆناغی چوارەمی بەشی یاسای بەیانیانی فاکەڵتی یاسا و زانستە سیاسییەکان و بەڕێوەبردن، بە سەرپەرشتی بەڕێز "د. سۆران علی"، سەردانی بنکەی نشینگەی سۆرانیان کرد.
سه‌نتەری گەشەپێدانی کاری زانکۆی سۆران بە هەماهەنگی لەگەڵ بەشی ئینگلیزی و گروپی خەونی گەنجان، ڕۆژی شەممه ڕێکەوتی ١٤/١٢/٢٠١٩، وۆرکشۆپێکی یەک ڕۆژەی بۆ قوتابییانی قۆناغی یەکەمی بەشی ئینگلیزی له فاکەڵتیی ئاداب، به‌ڕێوه‌برد. وۆرکشۆپەکە كه لەژێرناونیشانی" گرنگی فێربوونی کارامەییەکانی کار'' به‌ڕێوه‌چوو، بابەتەکانی بریتی بوون لە: ۱-بەڕێوبردنی کات. ۲-چۆن دەتوانین ببین بە کەسێکی سەرکەوتوو لە ژیاندا. ۳-گرنگی فێربوونی زمانی ئینگلیزی و ڕێگا کاریگەرەکانی فێربوونی.
رۆژی چوارشه‌ممه ڕێکەوتی ٢٠١٩/١٢/١١ لە ھۆڵی ئیسماعیل بێشکچی له فاكه‌ڵتی ئاداب، لە ژێر ناونیشانی "بەدیار برینەکانی نیشتیمانەوە"، کۆڕێکی شعیر خوێندنەوە بۆ شاعیر و نووسه‌ر به‌ڕێز" نوری بێخاڵی"، سازکرا، کە تێیدا ناوبراو چەندین پارچە شیعری بۆ ئامادەبووان خوێندنەوە.
له ماوه‌ی رابردوودا، قوتابییانی قۆناغی دووه‌می به‌شی زانسته كۆمه‌ڵایه‌تییه‌كانی فاكه‌ڵتی په‌روه‌رده، له كارێكی خێرخوازی و مرۆڤدۆستانه‌دا، سه‌ردانی نه‌خۆشخانه‌ی نانه‌كه‌لی یان بۆ منداڵانی تووشبوو به نه‌خۆشی شێرپه‌نجه كرد ودیارییان به‌سه‌ردا دابه‌شكردن. شایه‌نی باسه بڕێك یارمه‌تی داراییشیان پێشكه‌ش به سندوقی هاوكاری نه‌خۆشخانه‌كه كرد.
ڕۆژانی ٥ و ٦ی ١٢ی ٢٠١٩، وۆركشۆپێك به مه‌به‌ستی باسكردن له کۆتایی هێنان بە پڕۆگرامی ڕاهێنانی تواناکان بۆ ساڵی ۲۰۱۹ و ڕاگەیاندنی سەرکەوتنی پڕۆگرامەکە، له هه‌ولێر، رێكخرا.
له‌و وۆركشۆپه‌دا كه له لایه‌ن رێكخراوی ئایڕێكسی ئه‌مریكییه‌وه رێكخرابوو، سەنتەرەکانی هەموو زانکۆکانی عێراق به‌شداربوون، كه سه‌نته‌ری گشه‌ه‌پێدانی كاری زانكۆی سۆرانیش یه‌كێكیان بوو.
پەڕەى 8 لەکۆى 18 پەڕەدا