به مه‌به‌ستی راهێنانی زیاتری قوتابییان، رۆژی پێنجشه‌ممه رێكه‌وتی ٢٨/١١/٢٠١٩، قوتابییانی قۆناغی دووه‌می به‌شی جیۆلۆجیای نه‌وت، به سه‌رپه‌رشتی مامۆستایان "د.نەمام محمد، م.محمد سعدی و م.ئیدریس محمد"، گه‌شتێكی زانستیان بۆ ناوچه‌ی دۆڵی بازێ و دواتر به‌نداوی بێخمه كرد، تا له نزیكه‌وه له بە نیشتووە کلاستیکیەکان و نیشتووە نیشتەنییەکان و چەندین پێکهاتەی دیكه ئاشنابن.
به مه‌به‌ستی راهێنانی پڕكتیكی قوتابییانی ئه‌ندازیاری شارستانی و ئاشناكردنیان به دامه‌زراوه زانستییه‌كانی بواری په‌یوه‌ندیداری خۆیان، رێكه‌وتی ٢٠/١١/٢٠١٩ و ٢٢/١١/٢٠١٩، قوتابییانی قۆناغی سێیه‌م و چواره‌می به‌شی ئه‌ندازیاری شارستانی فاكه‌ڵتی ئه‌ندازیاری له‌ژێر سه‌رپه‌رشتی هه‌ردوو مامۆستای به‌شه‌كه "م. رزگاری عه‌بدولڕه‌حمان" و "د. ئاكۆ دارایی" سه‌ردانی به‌شی ئه‌ندازیاری زانكۆی سه‌لاحه‌دین و هه‌روه‌ها پڕۆژەی مۆتۆڕوەی (هەولێر-دهۆک)، بەشی (ڕۆڤیا-گۆپاڵ)، كرد.
لە درێژەی کاروچالاکییەکانی سەنتەری گەشەپێدانی کاری زانکۆی سۆران، ڕۆژی سێشەممە ١٢/١١/٢٠١٩ وۆركشۆپێكی یەك ڕۆژه لە ژێر ناونیشانی"Improve Your Employability Skills" بۆ قوتابییانی فاكه‌ڵتیی په‌روه‌رده، ڕێكخست. وۆركشۆپه‌كه لە لایەن ماموستا"ئاریان فەرەیدون" مامۆستا لە بەشی زانستی کومپیوتەر بەڕێوەچوو، کە 54 قوتابی و خۆبه‌خش تێیدا بەشداربوون.
ڕۆژی چوارشەممە ١٣ی١١ی٢٠١٩ لە فاکەڵتی یاساو زانستە سیاسییەکان و بەڕێوەبردن، بە ئامادەبوونی بەڕێزان " د.هێمن میرانی " ڕاگری فاکەڵتی و ژماره‌یه‌كی به‌رچاو له مامۆستایان و قوتابییان، راگرایه‌تی فاكه‌ڵتییه‌كه، رێوڕه‌سمی بەخشینی ڕێزلێنان بە قوتابییانی " یەکەم و دووەم و سێ یەم " ی سەر ئاستی هەردوو بەشەکانی یاساو پەیوەندییە نێودەوڵەتییەکان ،بەیانیان/ئێواران بۆ ساڵی خوێندنی ٢٠١٨-٢٠١٩، رێكخست.
ڕۆژی یەكشەممە ٣ی تشرینی دووەمی ٢٠١٩، لە فاکەڵتی یاسا و زانستە سیاسییەکان و بەڕێوەبردن، بە ئامادەبوونی به ئاماده‌بوونی به‌ڕێزان راگری فاكه‌ڵتی و ژماره‌یه‌كی به‌رچاو له مامۆستایان و قوتابییان، بەشی پەیوەندییە نێودەوڵەتییەکان پانێلێكی به ناونیشانی(کێشەو قەیرانەکانی سوریا و ئایندەی ئەو وڵاتە لە ناوچەکە) بۆ قوتابییانی به‌شه‌كه رێكخست.
پەڕەى 9 لەکۆى 18 پەڕەدا