ڕۆژی دووشەممە، ٥ـی کانونی یەکەمی ۲۰۲۲، قوتابیانی قۆناغی سێیەمی بەشی زانستی کۆمپیوتەری فاکەڵتیی زانستیی زانکۆی سۆران، بە مەبەستی ئاشنابوون بە بەکارهێنانی ئامراز و سیستەمی تەکنەلۆجیای سەردەم، گەشتێکی زانستی بۆ فەرمانگەی تەکنەلۆجیای زانیاریی حکومەتی هەرێمی کوردستان، ئەنجامدا.
ڕۆژی دووشەممە، ٢٨ی تشرینی ٢٠٢٢، پانێلێکی هاوبەش لە نێوان قوتابیانی بەشی مێژووی فاکەڵتیی ئاداب و بەشی یاسای فاکەڵتیی یاسا، زانستە سیاسییەکان و بەڕێوەبردن لە زانکۆی سۆران، بەناوونیشانی: «خوێندنەوەیەك بۆ مێژووی سەردەمی حامووڕابی و یاساکانی ( ١٧٩٢ـ١٧٥٠ پ.ز )» بەڕێوە چوو. لە پانێڵەکەدا ھەریەکە لە بەڕێزان: پ. ی. د. شێروان شەریف قوڕتاس، سەرۆکی زانکۆی سۆران و پ. د. سیروان زەند، یاریدەدەری سەرۆکی زانکۆ بۆ کاروباری زانستی، د. کارمەند عەبدوڵا، ڕاگری فاکەڵتیی ئاداب و د. هیمداد فەیسەڵ، ڕاگری فاکەڵتیی یاسا، زانستە سیاسییەکان و بەڕێوەبردن و ژمارەیەکی بەرچاو لە قوتابیان، مامۆستایان و فەرمانبەران ئامادەبوون.
لە میانەی سەردانێکیدا بۆ کافتریا و خواردنگەی فاکەڵتیی ئاداب، سەرۆکی زانکۆ لە کوالیتیی ئەو خواردن و خزمەتگوزارییانەی کۆڵییەوە کە پێشکەشی قوتابیان دەکرێن. هەر لەم سەردانەیدا، لە نزیکەوە گوێی لە ژمارەیەک لە قوتابیان گرت.
ڕۆژی پێنجشەممە، ١٠ی تشرینی دووەمی ٢٠٢٢، قوتابیانی قۆناغی سێیەمی بەشی مێژووی فاکەڵتیی ئادابی زانکۆی سۆران، گەشتێکی زانستیان بۆ شاری هەولێر ئەنجامدا. گەشتەکە لەلایەن بەڕێزان د. بژار عوسمان، م. چنور جەعفەرەوە سەرپەرشی دەکرا. گەشتەکە وەک بەشێک لە چالاکییە مەیدانیەکانی کۆرسەکانی خوێندنی ئەو قۆناغەی قوتابیان بوو، کە تێیدا ئاشنای چەند شوێنێکی پەیوەندیداربوون.
ڕۆژی چوارشەممە، ٩ی نۆڤەمبەری ٢٠٢٢، بڕوانامەی ڕێزلێنانی سەرۆکی زانکۆی سۆران بەخشرایە ژمارەیەک لە قوتابیان. ئەم قوتابانە توانیبوویان خولێکی ڕاهێنانی هاوینە بە شێوەیەکی سەرکەوتووانە لە دەرەوەی وڵات تەواو بکەن.
پەڕەى 2 لەکۆى 28 پەڕەدا