رۆژی دووشەممە رێکەوتی ١٥/٤/٢٠١٩، بەئامادەبوونی بەڕێزان "د. روشدی سەمەد" یاریدەدەری سەرۆکی زانکۆی سۆران بۆ کارووباری کارگێری و دارایی، "د. نەهرۆ زاگرۆس" یاریدەدەری سەرۆکی زانکۆی سۆران بۆ کارووباری زانستی، به‌شێك له‌ ئه‌ندامانی ئه‌نجوومه‌نی زانكۆ، "م. شۆرش مستەفا گۆرۆنی" یاریدەدەری ڕاگری فاکەڵتیی زانست بۆ کارووباری کارگێڕی و قوتابییان، "د. ئەیاد  نوری" یاریدەدەری ڕاگری فاکەڵتیی زانست بۆ کارووباری زانستی و، ژماره‌یه‌كی به‌رچاو له‌ مامۆستا و قوتابی و میوان، بە مەبەستی ئاشناکردنی قوتابییانی زانکۆکەمان بە بەشێک لە کولتووری کۆنی نەتەوەییمان، یەکەی وەرزشی فاکەڵتیی زانست/ زانکۆی سۆران،  فیستیڤاڵی یارییە کولتووری و کوردەوارییەکانی به‌ڕێوه‌برد.

یارییەکان، كه‌ بە تاک و کۆمەڵ بە شێوەی پێشبڕکێ لە نێوان قوتابییانی هەر شەش بەشی فاکەڵتیی زانست بەڕێوەچوون، تێیدا (١٥) پازدە یاریی جۆراوجۆر بۆ کوڕان وکچان ئەنجامدران.

پێویسته‌ بگوترێ، لە کۆتاییدا تیپی بەشی پترۆلیۆم جیۆساینس بوونە براوەی فیستیڤالەکە و، هەریەکە لە تیپی به‌شه‌كانی ماتماتیک و کۆمپیوتەر لە رێزبەندی دووەم و سێیەم هاتن.

 

1.JPG 10.JPG 11.JPG

12.JPG 13.JPG 14.JPG

15.JPG 16.JPG 17.JPG

18.JPG 19.JPG 2.JPG

20.JPG 21.JPG 22.JPG

23.JPG 24.JPG 25.JPG

3.JPG 4.JPG 5.JPG

6.JPG 7.JPG 8.JPG

9.JPG