Geography
چاپکردن

قوتابییه‌کی زانکۆی سۆران، کتێبێک لە بواری جوگرافیای سرووشتی بڵاودەکاتەوە

 

لە چالاكییه‌كی ئه‌كادیمیدا، قوتابی قۆناغی چواره‌می به‌شی جوگرافیا له‌ فاكه‌ڵتی ئاداب، "محه‌ممه‌د میرزا ئاغا مەحموود"، کتێبێکی لە بواری جوگرافیای سرووشتی بە ناونیشانی ( دەروازەیه‌ک بۆ جوگرافیای سرووشتیی قەزای مێرگەسۆر - بارزان) بڵاوکردەوە.

سەبارەت بە کتێبه‌كه‌، محه‌ممه‌د میرزا گوتی، هەوڵمداوە دیاردە سرووشتییەکانی دەڤەری مێرگەسۆر - بارزان، بخه‌مه‌ به‌رچاو و به‌ خوێنه‌رانیان ئاشنا بكه‌م و، هەروەها هەوڵیشمداوە کەوا پەیوەندیی ئەو دیاردانە لەگەڵ مرۆڤ باس بكه‌م، ئەمه‌ش بە مەبەستی ئەوەی کە ببێتە دەروازەیه‌ک بۆ ئەو خوێنەر و ئارەزوومەندانەی کەوا هەوڵی ناسین و ئاشنابوون بە دیاردە سرووشتییەکانی ئەو دەڤەرە دەدەن.

هەرچی سەبارەت بە پێكهاته‌ی كتێبه‌كه‌شه‌،محه‌ممه‌د گوتی، پەرتووکەکە دابەشی سەر دوو باس و بابەتی سەرەکی کراوە، کە قوتابییانی هەردوو بەشی زانستی ژینگە و زانستی جوگرافیا ده‌توانن سوودی لێوەربگرن. له‌ ئه‌نجامیشدا به‌وه‌ گه‌یشتووین، كه‌ توانستە جوگرافییە سرووشتییەکانی ئەو ناوچەیه‌، زۆر لەوە فراوانترن کەوا ئێمە بیری لێدەکەینەوە و ئه‌وه‌شم خستووه‌ته‌ڕووو، كه‌ ئەم دەڤەرە، گونجاوترین شوێنە بۆ ئەوەی وەکو پاڕکێکی نیشتمانی بناسێنرێت.

 

123947684_733947510539478_2016565482398438503_n.jpg 124153603_373407304109912_6310280893588968623_n.jpg 124234206_693259037984858_7146393727934438041_n.jpg

124952198_363950667998956_8935026777280432008_n.jpg