کوردی 
English 
له درێژه‌ی چالاكییه ئه‌كادیمییه نێوده‌وڵه‌تییه‌كانیدا، زانكۆی سۆارن به هاوبه‌شی له‌گه‌ڵ سه‌نته‌ری له‌نده‌ن بۆ توێژینه‌وه‌ی ستراتیژی، كه سه‌نته‌رێكی تویژینه‌وه‌ی كۆمارییه‌كانه له واشنگتن، به مه‌به‌ستی تیشك خستنه سه‌ر دوایین پێشهاته‌كانی عێراق و داهاتووی هه‌ریه‌ك له هه‌رێمی كوردستان و ده‌وڵه‌تی ناوه‌ندی عێراق، رۆژی ٢٤/٧/٢٠١٧ كۆنفرانسێك له ژێر ناونیشانی (كوردستان و عێراق: یه‌كێتی یان دابڕان؟) ساز ده‌كه‌ن.
له‌م كۆنفرانسه‌دا، كه بڕیاره ژماره‌یه‌ك كۆنگرێسمه‌ن و راوێژكار و بڕیاربه‌ده‌ستی ئه‌مریكا ئاماده‌ی بن، دوایین پێشهاته‌كانی كوردستان و عێراق ده‌خرێنه به‌رچاو و داهاتووی هه‌رێمی كوردستان و مه‌سه‌له‌ی رێفراندۆم به چڕی باسی لێوه ده‌كرێت.
زانكۆی سۆران له كۆتاییه‌كانی ساڵی 2009 به فه‌رمانی حكومه‌تی هه‌رێمی كوردستان دامه‌زرا. زانكۆی سۆران هه‌ر له سه‌ره‌تای دامه‌زرانییه‌وه، به دنیابینییه‌كی كراوه و به سه‌رنج چڕ كردنه‌وه له سه‌ر كواڵیتی زانست و په‌ره‌پێدانی پێوه‌ندی نێوده‌وڵه‌تی، هه‌وڵی داوه نموونه‌یه‌كی نوێ له ئه‌زموونی دامه‌زراوه‌ی ئه‌كادیمی پێشكه‌ش بكات.