رۆژی دوو شه‌ممه ٢٤/٤/٢٠١٧ به ئاماده‌بوونی به‌رێزان "د. موسڵح مسته‌فا" سه‌رۆكی زانكۆی سۆران، "د. نه‌هرۆ زاگرۆس"یاریده‌ده‌ری سه‌رۆكی زانكۆ بۆ كارووباری زانستی، "پ.د.قه‌یس كاكل" راگری فاكه‌ڵتی ئاداب و ژماره‌یه‌كی به‌رچاو له مامۆستا و قوتابی، دووه‌مین كۆنفرانسی قوتابی فاكه‌ڵتی ئاداب ده‌ستی به كاره‌كانی كرد.
رۆژی یەکشەممە رێکەوتی ٢٠١٧/٤/١٦ فاکەڵتیی ئەندازیاری زانكۆی سۆران له چالاكییه‌كی ناوازه‌و ئاستبه‌رزدا، بە ئامادەبوونی به‌ڕێزان "د. موسڵح مسته‌فا"سەرۆکی زانکۆی سۆران، یاریده‌ده‌رانی سه‌رۆكی زانكۆ، "د. به‌نگین مه‌سیح" راگری فاكه‌ڵـی ئه‌ندازیاری و ژماره‌یه‌كی به‌رچاو له به‌رپرسانی فه‌رمانگه‌كانی شاری سۆران و پێشمەرگە و ئەندام پەرلەمانی کردستان و میوانی بیانی، دووەمین سیمپۆزیۆمی زانستی قوتابییان و مامۆستایانی به‌ڕێوه‌برد.
لە ڕێکەوتی ١٩ -٢١ / ٣/ ٢٠١٧ لە (زانکۆی عەین بۆ زانستەکان و تەکنەلۆجیا)ی شاری عەین لە وڵاتی ئیمارات، بیست و سێیەمین دیداری ڕاهێنانی قوتابییانی زانکۆکانی وڵاتە عەرەبییەکان بەڕێوەچوو. لەم دیدارەدا بەڕێز پ. ی. د. یادگار ڕەسول باڵەکی، یاریدەدەری سەرۆکی زانکۆی سۆران بۆ کارووباری قوتابییان، بە نوێنەرایەتیی زانکۆی سۆران ئامادە بوو. ئامانجی سەرەکی لەم دیدارە ساڵانەیەدا، ڕاهێنان و ئالوگۆڕکردنی قوتابییانی زانکۆکانی وڵاتە عەرەبییەکانە، بۆ ئەوەی جگە لە ئەزموونی زانکۆكانی خۆیان، سوود لە ئەزموونی زانکۆکانی تریش لە دەرەوەی وڵاتانی خۆیان ببینن.
رۆژی سێ شه‌ممه رێكه‌وتی ٢٠١٧/٤/١١ له سه‌رۆكایه‌تی زانكۆی سۆران و به ئاماده‌بوونی به‌ڕێزان "د. موسڵح مسته‌فا" سه‌رۆكی زانكۆی سۆران و یاریده‌ده‌رانی سه‌رۆكی زانكۆ بۆ كارووباری زانستی، كارگێڕی و دارایی و قوتابییان، له دانیشتنێكی تایبه‌تدا، رێز له تویژه‌ر و مامۆستای به‌توانای زانكۆی سۆران به‌ڕێز"م. محه‌ممه‌د سه‌جادی" گیرا.
لە چالاکییه‌كى ئەکادیمییدا لە (واشنتن)ی پایتەختی ئەمەریکا، ڕۆژی چوارشه‌ممه رێكه‌وتى 1/3/2017، زانکۆی سۆران به‌هاوبه‌شى لەگەڵ لەندەن سەنتەر (London Center)، کە ناوەندێکی ستراتیژى ئه‌كادیمى سه‌ر به کۆمارییەکانە و بۆ لۆبیکردن لە کۆنگرێسی ئەمەریکا کاردەکات، دیدارێكیان سازكرد. له‌م دیداره‌دا، كه ژماره‌یه‌كى به‌رچاو كه‌سایه‌تى به‌رجه‌سته و سیاسه‌تمه‌دارى ئه‌مریكا، له سه‌ر بانگێشتى تایبه‌تى زانكۆى سۆران و له‌نده‌ن سه‌نته‌ر، به‌شدار بوون، چه‌ند پرسێكى وه‌ك گرفتی ڕامیاری ئێستای کوردستان و ڕۆژهەڵاتی ناوەڕاست و داهاتووی عێڕاق لەدوای نەمانی داعش، خرانه به‌رباس. له ته‌وه‌رێكى دیكه‌ى دیداره‌كه‌دا، داهاتووی پەیوەندییەکانی کوردستان و وڵاتە یەکگرتووەکانی ئەمەریکا، خرانه به‌رباس و گفتوگۆ.
پەڕەى 29 لەکۆى 49 پەڕەدا
بەستەری هەواڵ
-------------------------------
پەیوەدنی کردن
-------------------------------
لە ڕێگەی ئەم شێوازانەی خوارەوە پەیوەندیمان لەگەڵ بگرە
ناونیشان: هەولێر، سۆران، دێلزیان
006600000000
info@soran.edu.iq
لەبارەی ئێمە
-------------------------------
زانكۆی سۆران له كۆتاییه‌كانی ساڵی 2009 به فه‌رمانی حكومه‌تی هه‌رێمی كوردستان دامه‌زرا. زانكۆی سۆران هه‌ر له سه‌ره‌تای دامه‌زرانییه‌وه، به دنیابینییه‌كی كراوه و به سه‌رنج چڕ كردنه‌وه له سه‌ر كواڵیتی زانست و په‌ره‌پێدانی پێوه‌ندی نێوده‌وڵه‌تی، هه‌وڵی داوه نموونه‌یه‌كی نوێ له ئه‌زموونی دامه‌زراوه‌ی ئه‌كادیمی پێشكه‌ش بكات.
کوردی 
English