ئەکادیمی

ئه‌مڕۆ سێ شه‌ممه‌ رێكه‌وتی ٢٢/١٠/٢٠١٩، به‌ ئاماده‌بوونی به‌ڕێزان "رێبه‌ر ئه‌حمه‌د" وه‌زیری ناوخۆ، "د. ئارام ئه‌حمه‌د" وه‌زیری خوێندنی باڵا و تویژینه‌وه‌ی زانستی، "د. موسڵح مسته‌فا" سه‌رۆكی زانكۆی سۆران و ئه‌ندامانی ئه‌نجومه‌ن، كاربه‌ده‌ستانی حكومی و حیزبی، ئه‌ندامانی په‌ڕله‌مان و ژماره‌یه‌كی به‌رچاو له‌ مامۆستایان و قوتابییانی ده‌رچوو و ماڵباته‌كانیان، رێوڕه‌سمی ده‌یه‌مین خولی ده‌رچوونی قوتابییانی زانكۆی سۆران به‌ڕێوه‌چوو.

رۆژی یه‌كشه‌ممه‌ رێكه‌وتی ٤/٨/٢٠١٩، هه‌ریه‌كه‌ له‌ به‌ڕێزان "د. موسڵح مسته‌فا" سه‌رۆكی زانكۆی سۆران و "نیكۆلس كارمانۆس" جێگری سه‌رۆكی زانكۆی پاتره‌س ی یۆنانی، واژۆیان له‌سه‌ر یاداشتێكی لێكگه‌یشتن كرد، بۆ په‌ره‌پێدانی په‌یوه‌ندی ئه‌كادیمی نێوانیان و ئه‌نجامدانی كاری هاوبه‌ش.

رۆژی شه‌ممه‌ رێكه‌وتی ٢٤/٨/٢٠١٩، به‌ ئاماده‌بوونی به‌ڕێزان "د. موسڵح مسته‌فا" سه‌رۆكی زانكۆی سۆران و ژماره‌یه‌كی به‌رچاو له‌ به‌رپرسانی حكومی ده‌ڤه‌ره‌كه‌ و هه‌روه‌ها ده‌یان توێژه‌ر له‌ ناوخۆ و ده‌ره‌وه‌ی وڵات و مامۆستایان و توێژه‌رانی زانكۆی سۆران و ژماره‌یه‌كی به‌رچاو مامۆستای ئاینی، كۆنفرانسی زانستی نێوده‌وڵه‌تی ئیبن ئاده‌می باڵه‌ك، ده‌ستیپێكرد، كه‌ له‌ لایه‌ن ده‌ستنووسخانه‌ی زانكۆی سۆرانه‌وه‌، رێكخرابوو.

رۆژی یه‌كشه‌ممه‌ رێكه‌وتی  ٢٨/٧/٢٠١٩، به‌ مه‌به‌ستی په‌ره‌پێدان به‌ په‌یوه‌ندییه‌ ئه‌كادیمییه‌كان و ره‌خساندنی هه‌ل و ده‌رفه‌تێكی تر بۆ بردنه‌سه‌ری توانا مرۆییه‌كانی زانكۆكه‌مان، شاندێكی زانكۆ كه‌ پێكهاتبوو له‌ به‌ڕێزان "د. نه‌هرۆ زاگرۆس" یاریده‌ده‌ری سه‌رۆكی زانكۆ بۆ كارووباری زانستی و "د. محه‌ممه‌د عه‌لی حسێن" به‌ڕێوه‌به‌ری به‌رێوه‌به‌رایه‌تی خوێندنی باڵا و پێوه‌ندییه‌ ئه‌كادیمییه‌كان، له‌ كۆبوونه‌وه‌یه‌كی تایبه‌تدا، یاداشتێكی لێكگه‌یشتنیان له‌گه‌ڵ رێكخراوی لێكۆڵینه‌وه‌ی كۆری له‌ كوردستان، واژۆكرد.